給自己的禮物

哈哈~~我今日又買左野啦~~

食完LUNCH之後行吓個商場，見到一間精品店有好多聖誕精品，咪入去八吓啦~

嘩~~唔知係唔係聖誕關係，有好多野都做緊大特價，真係好多野都想買，不過諗吓都唔買嚟做乜，所以睇完就算啦~(唔知係唔係就嚟做師奶，依家買野都諗得好清楚先買，學慳錢嘛！)，不過我最後都買左一隻暖杯同一張聖誕咭。

張聖誕咭係會送俾我中學嘅中文老師嫁，由我畢業到依家，每年我都有寄聖誕咭問俾佢，表示一吓我嘅心意。

我見依隻暖杯用緊特價(真係好抵$60有找)，諗番我嗰隻暖杯又爛左，加上冬天又嚟啦，所以就買左啦~~當係買俾自己嘅一份聖誕禮物啦~聖誕節特別多藉口買野呀~~