第一份聖誕禮物

哈哈~~尋日LULU妹送左一份聖誕禮物俾我呀！

之前我同佢講過話老闆公幹完返嚟買左好多紅豆味嘅白兔糖俾我地做手信，不過我地分得好少，每人都係得一兩粒，真係唔夠喉。之後LULU妹話佢公司附近好似有得買，如果見到就買俾我。

點知佢尋晚一返屋企就古古怪怪係個手袋度拎左一大包紅豆味嘅白兔糖，話係聖誕禮物哦~~真係好正呀！

粒粒白兔糖都好濃紅豆味，今次可以食番夠本啦~~

咁早就收到聖誕禮物，希望今年可以有好多好多禮物啦~~

不過今次真係要多謝我個LULU妹~~