【親子聖誕Staycation】嘉湖暖笠笠聖誕家庭樂體驗

27-28 NOVEMBER 2021(SAT-SUN)

話說為左等小小豬收心養性準備呈二考試，所以我地都閉關左好一陣子(都係嗰句啦....閉關唔代表我地狂谷佢溫書，只係想佢留係屋企心情平靜啲，唔好玩創晒個心啫)。

考完試就當然要玩個痛快，我地就應邀嚟到嘉湖海逸酒店率先體驗聖誕限定『暖笠笠聖誕家庭樂住宿計劃』，嚟過一個親子STAYCATION，等我地三口子齊齊嚟輕輕鬆鬆下啦~

【祛濕健脾補氣血】黨參五指毛桃雪梨乾瘦肉湯

26 OCTOBER 2021(TUE)

前日去藥材店上貨嘅時間，店主哥哥推介左佢新出嘅入秋湯包俾我，話除左祛濕健脾補氣血之外，仲可以滋潤補肺，啱晒依家轉天氣飲嘅。

湯水最緊要係合時，聽到健脾啱小小豬飲就更加唔洗諗咁多即刻執一份返屋企煲俾兩位老細飲，等佢地到話潤一潤又補一補啦~

【益智補腦】螺片章魚蓮藕雜豆湯

 9 AUGUST 2021(MON)

話說早幾日去買湯料時，見到店主姨姨介紹佢地新出嘅湯包料，只要簡單買個螺片同蓮藕一齊煲就可以。當然，最吸引我嘅就一定係依個湯有益智補腦同增強抵抗力功效，所以就買份材料煲俾小小豬飲啦~

【電競編程知多啲】ASK Idea STEM嘉年華

5 AUGUST 2021(THU)

話說之前見家長時，班主任老師話小小豬係屬於數理人，建議我俾多啲STEM編程訓練給他。STEM係大勢所趨之外，亦希望可以透過STEM發揮多啲小小豬嘅潛能。 

除咗係屋企繼續同佢玩多啲之外，當然去學習一下秘訣都係好重要，所以今次我地就應邀嚟到參加由ASK Idea舉辦嘅STEM嘉年華，等佢玩下RoboMaster同埋無人機啦~

【健脾明目】石斛紅蘿蔔豬骨湯

30 JULY 2021(FRI)

早幾日去買藥材店入貨時，當我買石斛時店主姨姨就教我加紅蘿蔔同杞子一齊煲，既可係準備轉天氣嘅時候打好個底，又可以明目護眼嘅功效。

一聽到護眼就緊係即刻心心眼，所以快快手買齊材料煲個靚湯俾小小豬飲啦~

【親子玩樂Staycation】嘉湖夏「逸」Summer Fun住宿體驗

26-27 JUNE 2021(SAT-SUN)

Word Hard Play Hard。。之前小小豬好俾心機為考試做準備，咁考完試就當然要玩返夠本先得，咁就嚟個親子Staycation，三口子嚟嘉湖海逸酒店率先體驗佢地為暑假推出嘅嘉湖夏「逸」Summer Fun住宿體驗，有玩水同游水之餘，仲有得做小廚師，輕輕鬆鬆玩返兩日一夜啦！

靜靜地同大家講，小小豬一知道有得去Staycation佢都不知幾開心，仲話：Yeah...終於我都可以去Staycation，我真係好耐冇去玩水啦~

【健脾潤肺】粟米雪耳淮山瑤柱湯

23 JUNE 2021(WED)

宅在家想飲湯，咁就當然係睇下屋企有啲咩材料就用盡佢，好在之前都買定啲煲湯料，再加埋前日買左兩條粟米，咁就夠晒煲返個粟米雪耳淮山瑤柱湯，等小小豬有得健脾胃之外，老公又可以潤潤肺~

【健脾潤肺】青木瓜百合蓮子雪耳瘦肉湯

22 MAY 2021(SAT)

今晚奶奶嚟食飯，緊係要煲啖靚湯俾佢飲(間唔中都要扮下乖嘅..哈哈)，咁主角就當然係佢鐘意飲嘅青木瓜，之後我就簡單啲加埋百合、蓮子同雪耳，嚟返一個健脾潤肺又勁滋潤嘅靚湯啦~

【簡易食譜】士多啤梨香蕉乳酪雪條

21 MAY 2021(FRI)

早前同大家分享左過超簡單嘅焗希臘乳酪炸雞(按此重溫)，咁今次就分享多一個更加容易，仲好啱依家天氣食嘅士多啤梨香蕉乳酪雪條~

【簡易食譜】焗希臘乳酪炸雞

5 MAY 2021(WED)

Mevgal希臘乳酪除左可以即食之外，仲可以用嚟整甜品同煮餸，今次等我分享一個超市易整得嚟又好味，仲好啱小朋友食嘅焗希臘乳酪炸雞啦~

【預祝母親節禮物】Häagen-Dazs™花之幸福輪雪糕蛋糕

20 APRIL 2021(TUE)

雖然仲有差唔多三個星期先係母親節，不過就等我先嚟一個預祝活動，俾個機會我地兩母子嚟溫馨…溫馨一番~

【自助茶居】大帽山彩龍茶樓

18 APRIL 2021(SUN)

成日都聽人講去大帽山飲茶好有風味，講就講左好耐話想去，不過一直都的唔起心肝去。終於趁今早去荃灣附近整嘢，咁就就借機遊車河，兜一轉上去體驗一下啦~

【簡易食譜】越式香茅椰青水煮花甲

28 MARCH 2021(SUN)

我真係好鐘意食花甲，上網睇依個越式香茅椰青水煮花甲嘅食譜，見佢簡單得嚟又好似好吸引，所以就趁姨姨們嚟食晚飯，買齊材料煮嚟試下啦~

【尋蛋記】復活彩蛋歷奇之旅@Donut Playhouse

26 MARCH 2021(FRI)

雖然仲要返多兩日學先正式放復活節假，不過小小豬剛剛測驗完，咁就緊係要俾佢玩返夠本，所以就嚟提早開始大玩特玩啦！

復活節當然唔少得有復活蛋，但….其實小小豬咁大個仔都未玩過EggHunt，所以就應邀嚟到Donut Playhouse 體驗一下新推出嘅限定節目，復活彩蛋歷奇之旅。(註：活動係適合3 - 12歲小朋友，所以小小豬冇超齡呀…哈哈)~

【滋陰健脾】青木瓜雪耳瘦肉湯

 24 JANUARY 2021(SUN)

今晚奶奶嚟食飯，咁就緊係要做好準備煲個靚湯俾佢飲，最好就係問佢想飲乜，等我唔洗頸痕之餘又可以啱佢口味。

奶奶話想飲木瓜湯，咁就當然即刻去搵啲啱嘅食譜，就係咁....今次就嚟一個簡單得嚟又有助滋陰健脾嘅青木瓜雪耳瘦肉湯~

【簡易食譜】爆芝士蕃茄肉醬意粉

12 JANUARY 2021(TUE)

依排小小豬迷上食肉醬意粉(絕對係可以用個迷字形容，因為一問佢想食乜就一定係話要食肉醬意粉)，咁就佢鐘意當然係密密焗依個爆芝士蕃茄肉醬意粉俾佢食啦~

【生津潤肺】蘋果雪梨乾桔餅茶

5 JANUARY 2021(TUE)

依排真係乾到爆，家中兩位老細成日都話周痕，再加上天氣轉嚟轉去攪到氣管敏感喉嚨痕痕，都係時候要做下嘢。

見屋企有雪梨乾同桔餅，咁就再買埋蘋果，煲返一個化痰止咳、生津潤肺嘅蘋果雪梨乾桔餅茶，咁就嚟三口子潤一潤啦~