【簡易食譜】士多啤梨香蕉乳酪雪條

21 MAY 2021(FRI)

早前同大家分享左過超簡單嘅焗希臘乳酪炸雞(按此重溫)，咁今次就分享多一個更加容易，仲好啱依家天氣食嘅士多啤梨香蕉乳酪雪條~

士多啤梨約半盒(視乎想個士多啤梨味有幾出)、中型熟香蕉1條、原味希臘乳酪約半杯、低脂奶250ml、蜜糖少許~

先將香蕉去皮切片~

士多啤梨洗淨瀝乾，然後切粒~

將香蕉片、2/3份量嘅士多啤梨粒、原味希臘乳酪、蜜糖放入攪拌機~

最後加入低脂奶就可以攪拌至均勻~

一切準備好就可以放入雪條模~

先係雪條模內倒入一半的士多啤梨乳酪~

然後係中間再入少量士多啤梨粒~

最後將士多啤梨乳酪填滿雪條模內~

再加上雪條棒就可以放入冰格雪大約3-4小時至定型~

脫模後就食得啦~

依個份量大約可以整到約六條雪條，基本上小小豬一個人都食左三條都話唔夠，佢話真係好好味，叫我快啲再買齊少材料再整過添。

不過依個都係用水健康材料，加上又係自家制，咁食多啲都唔怕，所以等我下次再用其他水果整俾小小豬食先得。