26 OCTOBER 2021(TUE)
前日去藥材店上貨嘅時間,店主哥哥推介左佢新出嘅入秋湯包俾我,話除左祛濕健脾補氣血之外,仲可以滋潤補肺,啱晒依家轉天氣飲嘅。
湯水最緊要係合時,聽到健脾啱小小豬飲就更加唔洗諗咁多即刻執一份返屋企煲俾兩位老細飲,等佢地到話潤一潤又補一補啦~
五指毛桃兩両、黨參兩支(約半両)、海底椰一両、雪梨乾二両、圓肉一両、扁豆一両、蓮子半両、百合半両、南北杏半両、紅蘿蔔一條、粟米一條、無花果四粒、蜜棗兩粒、陳皮一角及瘦肉約$50~
所有材料浸洗20分鐘~
陳皮浸軟後刮瓤~
紅蘿蔔去皮切塊,粟米洗淨切段~
瘦肉洗淨汆水~
煲內放約3L水,然後隨水加入陳皮~
待滾起後,加入所有材料~
繼續用大火加蓋煲約15分鐘~
最後加鹽調味,就可以飲得啦~
初時見咁多藥材都有丁點擔心啖湯會好"杰",但好在店主哥哥冇介紹錯,煲出嚟啖湯真係好好飲,而且仲好清甜,所以我地三口子以九秒九就清晒成煲啦!
以下係各食材嘅功效,可以參考一下呀(網上資料):
五指毛桃 - 有補氣功效,可以強肺脾、祛濕,尤其適合氣虛、脾虛的人士。
黨參 - 補氣、提氣、養血,對中氣不足、身體虛弱受及脾胃虛好有幫助。
海底椰 - 有清熱潤肺、化痰止咳之效,對口乾、口氣、捱夜、皮膚乾燥、咳嗽痰少或經常說話者都很適用。
雪梨乾 - 有止咳化痰、潤肺、生津潤燥及清熱功效。雪梨本身屬寒涼之物,但雪梨乾經過烤焗後反而潤而不寒,比較適合小朋友及老人家。
圓肉 - 有補益心脾,養血安神的功效。
扁豆 - 有助增強免疫及健脾化濕,而且還具有抗菌,解毒的效用。
蓮子 - 有補脾止瀉,止帶,益腎澀精,養心安神之功效。
百合 - 有助養肺止咳、寧心安神,適合乾咳、捱夜、壓力大、失眠,及心煩氣躁人士,還可美容養顏。
無花果 - 清熱生津、健脾開胃及解毒消腫。
蜜棗 - 止咳潤肺、化痰平喘功效。
南北杏 - 可止咳下氣,潤燥消積。
陳皮 - 有通氣健脾,消滯健胃的功能。
粟米 - 健脾和胃,利水通尿,益肺寧心。
紅蘿蔔 - 就有助健脾消食,同埋化痰解毒。
五指毛桃 - 有補氣功效,可以強肺脾、祛濕,尤其適合氣虛、脾虛的人士。
黨參 - 補氣、提氣、養血,對中氣不足、身體虛弱受及脾胃虛好有幫助。
海底椰 - 有清熱潤肺、化痰止咳之效,對口乾、口氣、捱夜、皮膚乾燥、咳嗽痰少或經常說話者都很適用。
雪梨乾 - 有止咳化痰、潤肺、生津潤燥及清熱功效。雪梨本身屬寒涼之物,但雪梨乾經過烤焗後反而潤而不寒,比較適合小朋友及老人家。
圓肉 - 有補益心脾,養血安神的功效。
扁豆 - 有助增強免疫及健脾化濕,而且還具有抗菌,解毒的效用。
蓮子 - 有補脾止瀉,止帶,益腎澀精,養心安神之功效。
百合 - 有助養肺止咳、寧心安神,適合乾咳、捱夜、壓力大、失眠,及心煩氣躁人士,還可美容養顏。
無花果 - 清熱生津、健脾開胃及解毒消腫。
蜜棗 - 止咳潤肺、化痰平喘功效。
南北杏 - 可止咳下氣,潤燥消積。
陳皮 - 有通氣健脾,消滯健胃的功能。
粟米 - 健脾和胃,利水通尿,益肺寧心。
紅蘿蔔 - 就有助健脾消食,同埋化痰解毒。
溫馨提示:
- 由於個別人仕體質不同,所以大家記得煲之前了解下自己,如有疑問,請先向註冊中醫查詢!
- 由於個別人仕體質不同,所以大家記得煲之前了解下自己,如有疑問,請先向註冊中醫查詢!
沒有留言:
發佈留言