26-27 JUNE 2021(SAT-SUN)
Word Hard Play Hard。。之前小小豬好俾心機為考試做準備,咁考完試就當然要玩返夠本先得,咁就嚟個親子Staycation,三口子嚟嘉湖海逸酒店率先體驗佢地為暑假推出嘅嘉湖夏「逸」Summer Fun住宿體驗,有玩水同游水之餘,仲有得做小廚師,輕輕鬆鬆玩返兩日一夜啦!
靜靜地同大家講,小小豬一知道有得去Staycation佢都不知幾開心,仲話:Yeah...終於我都可以去Staycation,我真係好耐冇去玩水啦~
我地今次房間升級左係園景豪華客房(註: 每晚需另加$200),整體上房間都非常OK,非常開揚而且光線又夠,感覺都好舒服呀~
由房間望出去個VIEW都唔錯,仲可以望到公園同樓下游泳池添~
係房間休息一陣之後,我地就向三樓活動室出發,因為要去跟Ken叔叔學整彩虹蛋糕~
小小豬一開始就話要自己一手一腳咁整,既然佢有信心而且係屋企都有整過下,所以我都放手俾佢自己攪。
大會仲會為我地準備可愛餐具同包裝,咁就可以拎回房間慢慢品嚐啦~
做完小廚師我地就急急腳返房間換上泳衣,因為到左小小豬最..最...最期待嘅環節,就係水上遊戲時間!
小朋友可以係一小時內玩三項水上遊戲,當然係小小豬心目中就係最鐘意玩嘅水槍大戰,因為佢係依度係玩得最耐呀~
雖然游水係可以豁免戴口罩,不過大會都會貼心地為每位小朋友預備左防疫面罩,等各位家長可以俾小朋友玩得安心,真係要俾個LIKE佢地呀~
唔知係咪餓左玩水好耐,所以小小豬都玩得特別興奮,拎著水槍不停追住射來射去,絕對係可以用瘋狂嚟形容,仲大膽到連我地冇落水嘅人都不停射,真係唔知好嬲定好笑~
大部分時間都用左嚟激戰,不過玩得耐都要文靜一下,咁就去玩泡泡世界~
其實...係有個媽咪好鐘意睇泡泡,所以迫個仔整啲泡泡出嚟。你地唔覺得望住啲泡泡係天空上飄嚟飄去,個心情都會特別平靜好舒服(可能...我係一個怪人...哈哈)~
開心放完電之後,我地就先返回房間休息,之後就到酒店餐廳食豐富嘅自助餐晚餐。(註: 自助晚餐需另行收費,每兩個大人就可以有一個小朋友免費進餐或參與住宿計劃可以85折進食自助晚餐)~
今次主題係「味遊世界自助餐」,食物種類都有好多,對我嚟講晒吸引嘅就一定係冰鎮海鮮盤,肥嘟嘟嘅生蠔同埋龍蝦、松葉蟹爪、翡翠螺、藍青口同埋凍蝦,我地都食左勁..勁...勁多呀~
話咁快就過左兩日一夜Staycation,真心覺得今次嘅活動有動又有靜真係唔錯,而且睇返佢個價錢都覺得好抵玩,簡簡單單三口子嚟玩都只係七百幾蚊,完全係性價比之旅,嚟一個小渡假都唔錯,大小朋友都可以叉叉電,咁人都輕鬆啲呀!
More information :
嘉湖夏「逸」SUMMER FUN
日期:17/7 - 29/8/2021 (星期六及日)
價錢:$620起 (2位成人及1位小童)
嘉湖夏「逸」SUMMER FUN
日期:17/7 - 29/8/2021 (星期六及日)
價錢:$620起 (2位成人及1位小童)
- 標豪華客房住宿一晚
- 紐約紐約國際美食任點任食早餐
- 暢玩1小時戶外水上遊戲3項 (水上碰碰船、水槍大戰、泡泡世界)
- 彩虹蛋糕製作班(乙節)
- 免費使用室外游泳池、健身室及戶外遊樂場
沒有留言:
發佈留言