【電競編程知多啲】ASK Idea STEM嘉年華

5 AUGUST 2021(THU)

話說之前見家長時，班主任老師話小小豬係屬於數理人，建議我俾多啲STEM編程訓練給他。STEM係大勢所趨之外，亦希望可以透過STEM發揮多啲小小豬嘅潛能。 

除咗係屋企繼續同佢玩多啲之外，當然去學習一下秘訣都係好重要，所以今次我地就應邀嚟到參加由ASK Idea舉辦嘅STEM嘉年華，等佢玩下RoboMaster同埋無人機啦~

今次活動就係數碼港商場內進行嘅~

主要玩嘅兩個項目就係由「ASK Idea」導師教授，會用到「DJI Education」製造嘅RoboMaster同埋無人機，以「問題探索」、「解難」、「動手學」帶出STEM元素~

小小豬第一個玩嘅就係DJI無人機工作坊~ 

第一步先用唔同嘅裝備嚟操控無人機，導師哥哥會先教一啲操控技巧，當掌握到無人機嘅操控時，就可以嘗試挑戰用無人機玩障礙賽~

老實講，唔係成日打機嘅小小豬對於要用手掣嚟操控無人機都真係有點困難~

不過經過佢多次嘗試同哥哥教導之後，又好似開始掌握到啲啲，仲越來越好，好順利過晒三個障礙物添~

當然依兩個都只係熱身，開始進入精彩環節喇。首先就透過VR眼鏡，以第一身視角控制無人機，同哥哥進行競速比賽。當然......小小豬就唔夠哥哥嚟，不過佢話戴住VR嚟玩無人機刺激好多呀~

之後就嚟到小小豬最期待的項目，就係學習透過編寫程式，令無人機依照指令飛行~

有玩開編程嘅小小豬初時都以為好容易，但原來要令無人機跟從指令都真係有啲困難，好似要計算清楚每一步嘅編程指令同坐標定位都真係好考功夫。 

終於經過來來回回試驗、修正、失敗再嘗試，最終小小豬都可以係指定時間內完成任務嘅~

玩上癮嘅小小豬完成無人機工作坊之後，真係休息都唔需要，就嚟玩DJI RoboMaster機甲大師~

同無人機一樣先嚟熱身，試下啲簡單操縱啦~

之後就到小小豬最興奮嘅時間，就係以第一人稱主視角，同哥哥進行射擊競技，當中最大目的就係睇下有冇將學習嘅知識實踐出嚟。好在小小豬都有俾心機聽哥哥講解，竟然今次可以反勝哥哥，佢都不知幾開心呢~

帶住超興奮嘅心情去到最後一個環節，就係學習用編程，設計RoboMaster嘅性能~

小小豬都冇發白日夢，好努力咁編寫，終於編咗一個可以發聲、有跟蹤功能同識得規律性行走嘅機械人，要俾個GOOD佢呀~

兩個鐘嘅STEM活動話咁快就結束，小小豬話學完RoboMaster同無人機都對編程加深咗了解，而且仲覺得自己會越嚟越鐘意，叫我返屋企用我地嘅小機械人俾多啲挑戰佢。 

之後我地就向Interval x Farmacy出發，享用大會為我地準備嘅二人下午茶套餐~

開餐前，大會仲安排我地參觀餐廳內嘅智能環保農場，入面有亞洲首部「全環控智能移動水耕種植機」~

專員除咗講解依個環保農場嘅特點俾我地知之外，仲剪咗少少菜葉俾我地品嚐下添~

最後就以一個二人下午茶沙律套餐完結我地整個活動啦~

More information :  

STEM Carnival @ Cyberport
地點：香港數碼港商場107號鋪
日期 : 8月2日 至 8月22日 (每天3節)
時間：
10:00 - 12:00 一節(無人機 + ROBOMASTER工作坊)
12:30 - 14:30 一節(無人機 + ROBOMASTER工作坊)
15:00 - 17:00 一節(無人機 + ROBOMASTER工作坊)
每節名額： 4位小朋友(3-6年班, 9-12年歲)
費用： HK$600(包一個Interval | Farmacy 2人餐)

額外優惠： 兩小時商場泊車優惠

報名方法 ~> https://www.askideahk.com/index.php?route=product/product&product_id=65 

Facebook：https://www.facebook.com/ASKIdeahk

Official Website：https://www.askideahk.com/index.php

#AskideahkSTEM #AskIdeaHK #DJIEducation #RoboMaster #IntervalxFarmacy #STEM #Carnival #Cyberport #VR #小學生 #好去處 #一日遊 #電競 #編程 #競速 #遊戲中學習 #香港好去處 #假日好去處 #親子好去處 #親子遊 #暑假活動 #期間限定 #hkparents