【自助茶居】大帽山彩龍茶樓

18 APRIL 2021(SUN)

成日都聽人講去大帽山飲茶好有風味，講就講左好耐話想去，不過一直都的唔起心肝去。終於趁今早去荃灣附近整嘢，咁就就借機遊車河，兜一轉上去體驗一下啦~

依度真係可以話係全自動波，由搵位、沖茶、拎碗筷、拎嘢食全部都係自己去處理(放心，會有店員姨姨幫手收拾用過嘅餐具嘅)。

雖然茶樓唔算大，不過佢就分為兩層，可以選擇有冷氣開放嘅室內，亦可以選擇露天戶外茶坐嘅。雖然今日都比較多人，不過幸運地我地好快就係露天平台搵到一張枱，所以就開始歎茶時間啦！

一嚟到就緊係要去自助拎碗筷同沖茶啦~

未試過係茶樓自己沖茶嘅小小豬當然又要嚟八卦一下，佢話要做小待心應幫我地整哦(提提大家，個熱水壺熱水真係勁熱，所以小小豬都只係負責加茶葉，加熱水都係要大人做安全啲呀)~

處理好晒碗筷，我地就去樓下拎嘢食，睇簡單嘅餐牌都見佢有好多種類哦~

小待應又出場幫手拎嘢食啦~

聽好多朋友都介紹依個川龍出名自家種植嘅西洋菜，話係超級好味。不過我地都係得三個人佢又好大碟，所以最後為怕浪費我地就冇叫到，唯有等下次多人啲嘅時候先叫啦~

依個懷舊沙翁都好吸引，都係嗰句....等下次啦~

拎齊點心就可以返上平台歎茶啦~

其實我地都唔上食依幾樣點心，不過之後掛住食冇影相。唯一有點失望係我行幾次都唔夠人快手，所以有啲特式點心...好似芝麻卷同臘腸卷就食唔到了~

整體感覺係幾得意，加埋係露天平台歎茶都幾有feel嘅。食物就一般，比起嚟感覺就貴左少少，不過就叫做滿足自己一下，到此一遊體驗嗰一種風味啦！ 

其實大帽山仲有另一間茶樓，下次有機會去試埋先(不過....都唔知嗰日係幾時囉.....哈哈)！