大口仔之樂遊夏祭@THE ONE

30 JULY 2014(WED)

難得同好姊妹出嚟尖沙咀，當然要捉佢陪我去THE ONE影一轉大口仔啦~

老實講，其實我一向都唔多鐘意大口仔，不過係FB見好多朋友仔影完嘅相，我都覺得今次依個佈置好靚，好有日本FEEL之餘仲非常夏日嘅感覺，所以一定要去影返轉呀！

慶幸我地參加完試食雪糕會(請按此)之後，都已經係九點幾，過晒啲繁忙時間，所以我地可以大影特影啦~

其實除左啲大口仔公仔之外，場內嘅紅色日式燈籠，影相都好靚。我嗰張就冇乜FEEL，不過糖糖依張都幾好呀~

另一個場內必影位，就係依個煙花圖案。係我地未影之前，嗰度係冇人，不過經過我地兩個係度不停傻影後，就開始好多人影啦~

哈哈哈...影完今次依個佈置之後，都對大口仔有啲啲改觀，原來大口仔都幾可愛呀！

路經THE ONE嘅朋友仔，可以考慮探大口仔影返轉啦！