小小豬農曆四歲生日

27 JULY 2014(SUN)

雖然未到小小豬生日嘅日子，不過今日我地就已經同佢嚟個小慶祝，因為今日係小小豬農曆四歲生日嘛~

小小豬農曆四歲生日嘅慶祝活動都係簡簡單單咁一家人開開心心食餐飯啦！

小豬媽為左今日依個重要晚餐，所以一早預備左好多餸，經我同小豬媽嘅努力之後，好豐富嘅晚餐呀~

梅醬小排骨...超級好味，啱晒夏天食呀~

蠔油冬菇炆鵝掌翼...依排小豬媽成日係FACEBOOK POST依個餸(因為成日整俾小豬爸食)，今次終於有我份啦，勁好味呀~

釀雞翼...今次入面係釀左蝦膠，啲蝦膠仲係小豬媽自己整，所以勁香蝦味呀~

釀雞翼...冇錯又係釀雞翼，因為細心嘅小豬媽知道小小豬唔可以食蝦，所以買左啲墨魚滑嚟釀，咁小小豬都可以食得嘛~

白切雞~

蒸黃花魚~

蒜蓉炒小白菜~

食左一餐咁豐富晚餐之後，我地嘅美食之夜當然仲未結束，因為今日嘅主角嚟啦！

小豬媽知道個傻豬仔鐘意食藍梅，專登出去太古城買個靚靚蛋糕添呀~

睇吓為食嘅小小豬見到個蛋糕幾緊張~

哈哈...佢緊張係因為好想快啲食嘛。好辛苦之下先可以影幾張相，冇辦法啦...因為小小豬嘅目光已經俾個蛋糕吸引住啦~

仲乜小小豬係度偷食~

知唔係最鍚佢嘅小豬爸俾啦...哈哈哈~

兩婆孫開心切蛋糕~

最後就係收禮物時間！

多謝公公的生日大利是，小小豬嘅教學基金又加添少少啦~

多謝嘉汶表妹嘅書卷，可以買好多圖書啦~

多謝LULU妹嘅車車，依份係小小豬最鐘意，因為唯一依份係可以俾佢即刻玩嘛~

多謝舅父同舅母，下次去沙灘可以有新毛巾用啦~

開開心心又過左一個晚上，為小小豬慶生日都係其次，一家人開開心心食晚飯先係最重要嘛！