活動：暑假好節目 - We嘩!充氣嘉年華@奧海城【 與「龍」同行】

15 JULY 2014(TUE)

繼復活節係九龍城廣場舉行過之後，「We嘩! 充氣嘉年華」係暑假又嚟同大家一齊玩啦！

今次「We嘩! 充氣嘉年華」將於7月25日至8月3日一連10天，於奧海城2期商場地下主題中庭跟大家玩轉Summer~

復活節時我地都有帶小小豬去「We嘩! 充氣嘉年華」玩，依個傻豬仔玩得不知幾盡興，仲冇晒能量咁返屋企呀(請按此)。

上次小小豬玩得咁開心，所以我地都好期待下一次「We嘩! 充氣嘉年華」嘅舉行，可以又帶小小豬去玩嘛！

今次可以話係非常興奮，因為都得到「We嘩! 充氣嘉年華」邀請，小小豬又有機會大玩特玩呀！

今次「We嘩! 充氣嘉年華」奧海城會以恐龍為主題，設置多款以恐龍為主題的充氣遊戲及攤位，包括色彩繽紛的「恐龍遊樂園」、有逾30呎長巨型滑梯的「變色龍世界」、栩栩如生讓小朋友一嚐騎乘恐龍滋味的「坐坐龍」！

當然除左恐龍為主題遊戲之外，一向好受歡迎嘅遊戲，好似「We 嘩!抓抓樂」同「We 嘩!造型流沙」，今次仍然係有得玩啦！

除左有以恐龍為主題嘅遊戲外，亦都與暴龍同行「捉伊因」活動，由工作人員穿上荷里活特效恐龍服飾，仿真度極高的「恐龍戰衣」， 不定時出沒於商場不同角落，為現場人士製造驚喜，更破天荒與小朋友互動，可體驗全港最刺激的「暴龍捉雞仔」。

好期待呀！唔知小小豬當日會玩成點呢？會唔會玩到唔願走？ 哈哈哈....等我地玩完之後再同大家分享啦！

 

More information :

We嘩!充氣嘉年華@奧海城【 與「龍」同行】
日期 ：7月25日至8月3日(共10天)
地址 ：奧海城2期地下主題中庭(香港西九龍海庭道18號)
時間 ：中午12時至晚上8時
遊戲票價 ：HK$10 ~ HK$50

 

Website：http://www.wewaland.com/OC-2014/
Facebook：https://www.facebook.com/WeWaLand