29 JUNE 2014(SUN)
當大肥豬知道我地會有依個澳門之旅嘅時候,佢就建議買埋泳裝去,咁就可以帶小小豬去酒店個泳池玩吓嘛!
就係咁,所以今日我地就一早起身,落去泳池玩吓啦~
我地八點半左右落到泳池,剛瞓醒嘅小小豬好似仲係傻豬仔咁哦~
不過...一落到水就開始WARM-UP啦~
原本我地都有帶埋水泡嚟澳門,不過我地掛住落泳池,所以唔記得拎。不過好在場內有提供浮板,所以大肥豬亦趁依個機會教小小豬用浮板游水啦!
小小豬初時都係驚驚地,不過玩左一陣之後玩得不知幾開心呀~
係泳池度不停左游游...右游游~
個傻豬仔真係玩得好開心呀~
睇佢地兩父子泳池中暢泳幾享受~
正當佢地兩父子繼續游游游之際,我就變身外賣妹,去買麥當當上去酒店食早餐啦!
佢地係泳池玩左大半個鐘,之後返酒店房洗白白之後就開始食早餐~
食飽飽就準備出發,因為到左今個澳門之旅重點環節,就係去參觀變形金剛展啦!
《續待》
沒有留言:
發佈留言