27 JUNE 2014(FRI)
謝謝 WeShare.hk x Dream and Delight，今日我去左參加美宮365 'V-SPA'體驗會~
其實今次體驗韓式漢方養生療程，係以"美宮"為主，咁其實即係咩呢？原來就係代表為女性的第二個心臟 - 子宮。療程是體溫療法的基礎上，通過「自然治療」與「自動免疫」來調理子宮，同時亦幫助子宮內裡保持美麗健康的狀態。
聽介紹都覺得好吸引，所以都好期待參與依個體驗活動呀~
大會為我地準備左好多韓式小食，樣樣味道都唔錯，尤其係個炒粉絲，真係好好食呀~
除左食物之外，仲為我地準備左五種唔同功效嘅花草，可以因應個人需要，揀自己鐘意嘅口味~
最後我就揀左排毒茶~
之後就邊食邊飲邊填問卷，等美容師了解我地身為狀況多啲，從而提供適合嘅療程啦~
食飽飽就開始體驗會啦~
依位美容師原來就係老板娘 - JENNY，就係佢由韓國引入依部美宮365 'V-SPA'，雖然佢係韓國人，不過佢啲廣東話好利害呀~
JENNY話原來係韓國，做美宮365療程都係一件好普通事，基本上所有婦科醫院都一定會有，就連韓國總理家中都有一部，因為韓國女仕明白到，子宮對女仕嚟講係非常重要，一定要好好保護，所以一般女仔由十多歲開始，就已經做依個療程。基本上除左月事之外，每日都可以做，而且KEEP住做對懷孕同坐月都好有幫助呀！
美宮365 'V-SPA'療程其實係好簡單，只要坐上去依個儀器上(要除去所有內外衫褲)，利用中藥粉同熱力，以坐熏方式進行~
將熱水及中藥粉加到紫水晶~
再配以紅外線嘅熱力進行療程~
銀色小碟就用來盛放由身體排出嘅殘留物，美容師話可以由殘留物嘅多少及質量，知道子宮嘅健康程度，不過一般都需要係療程第三次開始先會見到呀！
哈哈....先由靚女Dolphin為我地示範個坐姿先~
聽完介紹之後，就到我地換衫衫開始體驗美宮365 'V-SPA'(我實在太肥了，希望啲肥肉唔好嚇親大家啦)，雖然大家都係除下所以衣服，不過依件衫密度都唔錯，係非常安全，唔洗怕尷尬呀~
房間內可以有四位女仕一齊做呀~
熱度可以因應個人需要而調節~
美容師為我地準備中藥粉~
一切準備好，就可以開始三十分鐘嘅坐熏療程~
一向我地算好易出汗嘅人，所以大約係開始坐熏後嘅十多分鐘，我啲汗就開始不停流，仲越流越利害！美容師提醒我地係坐熏嘅時候飲用花茶效果會更好，所以我地係依三十分鐘內飲左四杯呀~
經過三十分鐘療程後，雖然係不停流汗，不過我覺得成個人一啲都唔笠，同平日係街上面熱到出汗嘅感覺係完全唔同。出左依一身汗，個人都好舒服，感覺上仲好似個人輕盈左啲啲呀！
療程完畢後，美容師仲為我地準備左海帶湯同南瓜粥，真係非常貼心嘅款待呀~
整體上我地覺得今次嘅體驗唔錯，唔知大家有冇興趣都嚟試吓呢？
哈哈哈...依家有機會啦，因為Dream and Deligh送左五個名額俾我，等我啲朋友仔都可以去親身感受美宮365 'V-SPA'。
有興趣嘅朋友仔快啲CLICK入去小小豬成長日誌嘅FANPAGE(請按此)，答中一個小問題，就可以有機會去體驗啦！
More Information :
沒有留言:
發佈留言