Kinseymama's LIFE: 試用：日本STB 360 兒童牙刷

2014年7月12日星期六

30 JUNE 2014(MON)

早係一個月為小小豬收左一份好實用嘅禮物，就係依一支日本STB 360 兒童牙刷啦~

其實小小豬一向都係乖寶寶，都有養成擦牙仔依個良好習慣。不過個傻豬仔始終都係唔多鐘意用牙膏，所以擦牙嘅時候都唔多享受咁。有時亦都因為小小豬嘅心急，令我會擔心佢會吞啲牙膏落肚。

今次試用依支STB 360 兒童牙刷就可以唔洗用牙膏都可以將牙仔擦得好乾淨，所以我都好期待呀~

唔好話我祟日，因為日本對小朋友嘅健康教育都係特別著緊，所以得知STB 360 兒童牙刷係由日本生產，都好放心使用~

安全的360度刷毛設計，以圓圓的360度刷毛讓你刷牙時感到很舒服和容易控制，又能避免太用力刷親牙肉，而且更加上清除遺留在舌頭上的食物和細菌。因為刷得全面及乾淨，所以就可以不使用牙膏，就不需再擔心BB會吞下或討厭牙膏，增加刷牙的樂趣~

使用0.09mm極細毛，一般牙刷為0.2mm左右。所以容易刷洗牙齒間較為不容易清洗的地方，而且刷毛柔軟又軟熟，完全唔需要擔心小朋友刷牙時會傷到牙肉呀~

手柄接近圓形設計，讓小朋友容易掌握，使刷牙變得容易，不易跣手~

小小豬都已經用左上差唔多一個月，整體上好快都習慣左用依支牙刷，由於可以唔洗用牙膏關係，所以小小豬就特別鐘意。

哈哈哈...佢有幾鐘意？就連我地去澳門旅行之時，佢都提我一定要放埋入旅行袋，仲同我講去澳門都要擦牙。佢咁主動做，就知佢好愛依支牙刷啦，睇佢擦得幾投入又興奮~

雖然係擦牙仔時都冇用過牙膏，但小小豬啲牙仔都仍然乾淨呀！

見小小豬用得咁開心，攪到我都想買返支成人版同佢一齊用添...哈哈哈！

2014年7月12日星期六