生日會兼才藝表演

7 JULY 2014(MON)

小小豬係讀PN時嗰間幼稚園係冇舉辦每月生日會活動，所以到左今次K1學校先開佢人生第一個校園生日會呀~

其實小小豬係八月生日，不過當時正值係放緊暑假，所以就同七月嘅小朋友一齊開生日會。雖然早左一個月，不過唔緊要，總之有得玩就得啦！

除左係生日會之外，今日仲係K1小朋友負責表演，哈哈哈....即係小小豬有份表現啦！所以我、大肥豬、小豬媽同LULU妹一齊去學校，為嘅都係支持一吓小小豬。

今次小小豬表現係負責扮小烏龜，唔知係唔係前一晚飲得太多水，小小豬成朝都係眼腫面腫，變左一隻唔多靚仔嘅小烏龜添~

由於今次我地個位置唔多好，加上小小豬又企係後排，所以都拍攝得唔係咁好。不過唔緊要啦....都只係當一個小小嘅紀錄啦~

 

表演完小朋友就返課室開生日會，由於小小豬係今個月生日之星，所以家長可以入課室同小朋友影相留念呀~

又同一班小朋友一齊唱生日歌添~

雖然小小豬今次冇上兩次表演得咁投入，不過都總算叫做完成整個表演，所以我都已經好滿足。

相信下一個表演就應該係K2聖誕節，希望到時小小豬再大個仔多啲啲，咁就可以有更好嘅演出啦！