海港城影..影..影

19 JULY 2014(SAT)

由於今日大廈全日冇水供應，所以又有藉口去街街啦！

當我地探完老爺之後就去搵節目，我地去左邊？當然係去搵近期好HIT嘅SHOOPY啦~

可能都係剛剛做展覽，所以途中都預左會有好多人，不過一行到去，真係多人都有少少驚嚇，加上又落住毛毛雨，所以都只可以留幾張相到此一遊呀~

開頭睇介紹都以為可以同SHOOPY有近距離接觸，不過原來係有圍欄阻住。不過咁都好，起碼可以好好保護啲SHOOPY，等佢地唔好咁快爛同變灰灰呀~

影完之後都轉戰入室內搵SNOOPY屋仔，不過去到都係一樣咁多人，所以都只係影左幾張呀~

其實我見都仲有好多屋仔好有特色，不過真係好多人，所以都唔敢一個個影晒，或者過多幾個星期，等人少啲就再帶小小豬出嚟影過啦！(不過....海港城又點會有少人嘅時候呀...唉！)

影完SNOOPY之後，我地就向LCX出發，因為我要搵我至愛嘅大力菇呀~

哈哈哈...曾幾何時我都好迷玩依個菇菇GAME，所以知道有得影，我又點會放過呢！

雖然都係有好多人一齊影菇菇，不過大家都好有秩序自發地排隊，所以影得都真係好順暢呀~

開開心心又玩/影左一日，雖然同SNOOPY影相就真係少左啲，不過今日一次過影左三款唔同嘅公仔佈置，都好滿足呢...哈哈哈！