變形金剛澳門兩日一夜之旅 - PART 4

29 JUNE 2014(SUN)

終於嚟到我地今次行程其中一個重要環節，就係去威尼斯人®金光會展展覽廳，去睇變形金剛30周年展（澳門站）~

其實一踏入威尼斯人，四周就已經見到好多變形金剛30周年展嘅宣傳啦~

行過一陣長長嘅走廊，終於嚟到~

小小豬已經急不及待啦~

由於我地早左去到，所以PR姐姐安排左我地先入會場坐一陣，仲好貼心咁為我地準備果汁同小食。(哈哈哈...我地三口子掛住食，唔記得影相添)~

趁場地內遊人唔多，所以我就先去精品部八卦一吓，好多精品都係獨家發售，只可以係會場先有得買呀~

仲有一個遊戲小攤位玩添呀~

有得玩小小豬又點會放過呀！最好就係PR姐姐安排我地任玩，真係啱晒貪玩小小豬呀~

雖然我地都贏唔到獎品，不過都志在玩嗰個開心過程嘛！

玩左一陣，就夠鐘可以入場參觀啦~

大會為我地安排左導賞員姐姐，由ZONE 1至到ZONE 9，都為我地沿途作詳細講解，等我地對變形金剛更加多了解呀！

ZONE 1 - 結盟前哨站，入面有啲唔同種類嘅小模型之餘，仲仲有變形金剛進化歷程~

ZONE 2 - 變形金剛解碼，入面先會見到立體嘅能量方塊~

另有一個3D投影嘅柯柏文，好靚呀~

仲有一部柯柏文車~

此區域仲有好多珍貴嘅漫畫手稿呀~

ZONE 3 - 能源爭奪戰，此區域以電影《變形金鋼狂派再起》為主題，入面仲有兩個大機械人佈置呀~

不過，最吸引小小豬嘅就係旁邊嘅紅外線遊戲，佢地兩父子排隊玩左好多轉呀~

ZONE 4 - 能源儲備，3D立體光雕柯柏文，配合唔同嘅光線同音效，視覺效果都唔錯，幾好睇呀~

ZONE 5 - 太空秘密基地，以電影場景作為藍本，當然亦有兩個狂派機械人佈置呀~

依度仲有一個3D小遊戲，可以因應你所舉嘅牌，柯柏文做出唔同動作，都幾得意呀~

另外，我地係入口時拍攝左一張效果相，都可以係依度睇到個製成品。當然，我依啲師奶仔....影左當買左啦....哈哈哈~

ZONE 6 - 保衛地球之友，依度一家係最受小朋友歡迎嘅地方，因為有一個類似滑梯遊戲，小小豬都不知幾鐘意，仲係度玩到唔願走呀~

幾經辛苦先可以叫到小小豬影一張相，真係激C我啦~

ZONE 7 - 軍事指揮基地，7米高嘅柯柏文同大黃蜂真係好有型呀~

仲有巨頭呀~

ZONE 8 - 收藏寶庫，入面展示左超過400款絕版珍藏，好多都係由變形金鋼FANS借出嚟做展覽呀~

ZONE 9 - 戰力挑戰站，場內提供變形金鋼嘅遊戲XBOX及PLAYSTATION即場試玩~

仲有可以扮小小變形金鋼呀~

其實場內仲有一個位置有不同場次節目，可以欣賞變形金剛卡通片嘅，不過因為時間所限，所以我地冇機會睇啦！

嚟到依個位置，就完成左變形金剛30周年展（澳門站）。離場時負責職員為我地打上手印，咁就可以係同一日再入去睇多一次啦~

如果變形金剛嘅FANS，又準備去澳門玩嘅朋友，可以考慮吓入場參觀變形金剛30周年展（澳門站），因為我啲相片都只係展覽場內嘅一少部分，入面啲佈置場景都真係好宏偉，好值得入場親身感受呀！

《續待》

More Information :
Website：http://www.transformers30.com/
Facebook：https://www.facebook.com/transformersexpo30?fref=ts