28 JUNE 2014(SAT)
休息過後，我地就出發去大三巴玩啦！
正當我地係酒店門口諗緊搭咩車去大三巴時，酒店職員就主動教我地行過去新濠天地，因為佢地有免費穿梭巴士去澳門市中心，之後我地行去都只係十分鐘左右。既然有舒服嘅穿梭巴，仲要係免費，我地當然就依照依個方法去啦！
唔知係唔係小小豬係酒店跳得太激烈，小小豬搭車途中就已經熟睡了，就連落車都唔知呀~
小小豬係依程巴士上瞓一陣都好，因為可以抖足精神可以繼續玩嘛。
原本我地都想搵啲特色啲餐廳，不過因為抱住小小豬行都真係幾攰(我指係大肥豬)，所以最後就係附近嘅中式餐廳食我地嘅晚餐。
哈哈哈...依個為食嘅小小豬唔知係唔係知道有飯食，所以一入到餐廳就醒左，一醒就又話要食飯啦~
其實依乜我同大肥豬都係冇所謂，所以等小小豬醫飽肚之後，我地就去掃街啦！
上次同小豬媽嚟澳門時，都見過好多人係依條小走廊食嘢，睇見就好似好惹味咁，不過因為嗰次我地係趕趕地時間，所以冇機會試，就趁今次試吓啦！
佢地兩父子排隊去搵食啦~
其實都係啲滾滾吓嘅魚蛋..丸丸..牛柏葉嗰啲食身物，睇吓小小豬幾心急去搵嘢食~
揀好左嘢食就俾姨姨煮熟啦~
一個心急豬等食中~
食得啦...睇吓個為食豬食得幾滋味。剛剛先食完一大碗飯，依家仲可以食魚蛋，依個為食豬嘅食量真係嚇親人呀~
食飽飽就去SHOPPING，第一站就去買小小豬至愛嘅豬肉鬆~
之後就去行大三巴影吓相~
休息足夠嘅小小豬真係精力充沛，係依條樓梯上行嚟行去，我都真係唔夠佢嚟呀~
好靚嘅花燈，上次嚟到好想影，不過小小豬唔肯。估唔到今次小小豬見到，主動話同我影呀~
行完街街，又到掃街時間，依個為食小小豬唔知係唔係記得上次嚟過可以試食，所以行過條手信街，見到啲叔叔姨姨拎住啲豬肉乾，佢就已經識得問我地係唔係可以試味。
哈哈哈...既然佢咁好記性又主動問，所以大肥豬都俾佢食少少~
依個為食豬真係食得開心，仲問我地可唔可以食多一塊。所以當佢見到啲姨姨時，我地叫佢自己去問姨姨拎。
因為我地覺得咁可以訓練一吓小小豬大膽同陌生人交談之外，亦都等佢學吓自己的事自己做，想要嘅時候就用自己方法問人，唔好等佢習慣咩都要我地幫。
當然，我地唔會阻住人，因為嗰一刻店舖冇其他客人，亦都好感謝姨姨有善地同小小豬玩~
食飽飽豬肉乾之後，小小豬就話回酒店，加上我同大肥豬都已經好攰，所以就聽小小豬話早少少返酒店休息啦！
返到酒店即刻洗白白，係依個透明嘅浴室內，所以我又嚟偷拍小小豬出浴照啦~
洗完白白休息過後又嚟食嘢，真係好唔明白個為食豬究竟個食量係幾多，仲可以食得落~
個傻仔真係好鐘意住酒店，緊係啦...因為可以爬嚟爬去嘛~
就連擦牙洗面都可以咁興奮，係屋企又唔見佢咁哦，真係唔知笑C定激C呀~
雖然今晚我地三口子都比平日在家早左瞓，因為我地要有足夠休息，去迎接明天嘅精彩節目呀！
《續待》
沒有留言:
發佈留言