47個月大的小小豬

10 JULY 2014(THU)

小小豬已經47個月大，唔經唔覺仲有一個月就四歲啦~

原本今日有一個好好節目，有得帶小小豬去玩之餘仲可以學嘢，去慶祝開心一吓。不過因為一個大頭蝦媽咪記錯左個放暑假日期，原來要下星期一先放暑假，所以最後都係返學緊要，冇得去玩添。

雖然冇得去玩，不過今日話晒都係小小豬47個月大嘅日子，加上老師又同我講小小豬係今日學校好主動咁答問題，所以放學就去附近嘅餐廳食分子雪糕啦！

坦白講....一杯小小嘅雪糕都要成44蚊，都真係有點兒貴，不過間唔中食一次都可以接受，加上今期有最HIT嘅熊貓，都真係唔試吓都唔得啦~

一見到杯熊貓雪糕，依個小小豬都已經勁開心，睇佢食得幾興奮~

某程度上我都好鐘意睇小小豬食嘢個樣，因為佢對住啲食物個樣真係好出自內心咁開心，仲要食完一面滿足嘅樣，小朋友嘅童真就係咁嘛！

哈哈哈...下個月就踏入四歲，又係時候計劃吓同小小豬攪一連串生日活動啦！