激正WYMAN演唱會

9 FEBRUARY 2012(THU)

首先要唔該嘉汶表妹幫我撲飛，亦都要小豬媽今晚要開OT，幫我照顧埋小小豬訓覺覺豬，咁我先有機會同大肥豬拍拖去睇SHOW，過返二人世界去街街。
 
對上一次入紅館就係兩年前嘅平安夜睇SAMMI 演唱會，當時小小豬都係我肚入面一齊睇。估唔到要等成兩年之後，先有機會再入去睇SHOW。其實唔多唔少都因為要照顧小小豬，所以我地都少左去夜街，加上近年又冇乜邊個開SHOW係想去睇，直到見到WYMAN開SHOW，我先極度有衝動想去睇呀~


同大肥豬食個晚飯，之後行左街街一陣，我地就入場。

我地係山頂嘅朋友大家好，雖然係山頂，不過我覺得個位真係幾好，冇嘢大型物品阻住之，我地下面仲有一個嘉賓出入位，所以都幾GOOD呀~


開SHOW啦，入場時大會派左粒粉紅小燈(即第一張相白色那個)，大家都開住，好似星星咁，好靚呀~


可能因為今次係以WYMAN所填嘅詞做主題，所以係大電視下面會顯示歌詞出嚟。我覺得又真係幾好，可以邊聽歌又可以邊睇歌詞，仲可以跟埋嚟唱添~
 
依個演唱會真係勁正，嘉賓一個一個出場，首首歌都好正，絕冇冷場。今日嘅嘉賓(希望我冇記漏啦)：Joey、Eason、黃耀明、薜凱琪、蘇永康、張敬軒、周柏豪、鄭融、盧巧音、李惠敏、傅佩嘉。

最驚喜嘅就係有彭羚，雖然好耐冇出嚟唱歌，不過依然都係咁正。當然最開心就係我兩個至愛SAMMI同HOCC都有同場，真係超HIGH呀！

我地睇全晚都睇得好ENJOY，依個SHOW我覺得真係值回票價，可以一次過睇咁多歌星，仲要個個都唱得好好，再加上佢地嘅衫又靚，只可以有三個字形容，激正呀！