正月十五即係中國嘅情人節，先祝大家元宵節快樂，每對情侶、夫婦都甜甜蜜蜜，人人都開開心心！
原本大肥豬都話想帶我地去文化中心嗰個元宵花燈晚會，一嚟因為小小豬未完全好返晒，怕佢出外會吹親，加上個天氣又唔係咁好，落毛毛雨，所以今年都係冇節目咁留係屋企過。
唉..唔緊要啦..出年先去都好，等小小豬大個仔多一年，咁佢可以自己感受個氣氛嗎！
雖然係屋企過元宵，不過都有一個好好玩嘅節目，就係可以拆利是啦！
依度就係今年我們這一家所收到嘅利是~
哈哈...人地啲利是就會全部歸還俾父母，不過我地就全部俾晒小小豬。其實由上年開始，我都已經將所有啲利是錢存起佢，當係小小豬嘅教學基金。慢慢一年年咁存，到佢讀大學時就可以自己交學費啦！(真係諗得長遠，幼稚園都未有得讀呀...哈哈)
沒有留言:
發佈留言