哈哈...病好左嘅小小豬狀況真係好好，唔再吽吽哣哣，又識得玩返佢鐘意嘅玩具。見到佢咁都真係人都安心晒，因為見佢病都真係好心痛，有時真係寧願病嗰個係我呀！
今日同小小豬玩時，係見到床頭上有本MICKEY字典(之前大肥豬係書展買定，話開始要睇定啲字，PLAN吓幾時開始，所以我幾時都話大肥豬係教育部部長嚟呀！)，佢一到MICKEY又點會放過，所以就拎左本書嚟睇。
開頭我都好擔心佢會好粗暴咁整本書，點知....佢竟然好斯文咁一頁頁咁睇，邊讀邊講只有佢明白嘅BB話，間唔中又大笑起嚟，睇見佢咁傻豬豬，真係人地開心啲呀~
唔係講笑，小小豬真係好專心咁睇書呀~
鐘意睇書都真係一件好事，我地會繼續KEEP住培養佢依個良好習慣，到佢大個時都咁鐘意閱讀啦！
哈哈...同場加映...睇睇吓書，小小豬又嚟CHOK CHOK CHOK啦~
沒有留言:
發佈留言