我地今日又做逃學威龍,冇返PLAYGROUP,已經連續冇返兩堂,希望下星期返學小小豬唔好怕怕羞羞咁扭爆啦..唉!
今日點解又唔返學,原因一就係小小豬啲痰仲未清得晒,間唔中又會咳幾聲,大肥豬擔心返到去再同啲同學仔交叉再感染會攪到有排都好唔得晒,所以就決定休息埋今日,等完全好返晒精精神神咁返學仲好。
第二個原因就係,因為小豬媽佢地今日入新界拜神,所以我地都跟埋入去一齊拜,希望保佑小小豬聰明健康。
第一站拜完神之後,見到有風車,所以買個俾小小豬,仲要自己揀添~
睇佢幾鐘意個風車,上到車都要拎住唔放手~
第二站就係去附近嘅圓玄學院行個圈,依個小小豬一有得落地就周圍走,跑跑跳跳咁,玩得都好開心呀~
~~續待~~
沒有留言:
發佈留言