今日一早我地又去左面試啦！其實都有想過放棄今次面試，因為小小豬前日開始就唔舒服，食左藥之後個情緒都唔係咁好。不過又冇得改期，所以唯有照去，本著平常心等小小豬可以去玩吓見識吓。
今次依間係小豬媽住嗰區嘅名校，不過就係出名用傳統教學，既嚴格又會催谷成績。依一方面我同大肥豬都唔太鐘意，唔想咁快就要小小豬面對讀書嘅辛苦。雖然係咁，不過依一間又係我地區內最好嘅學校，如果入到都方便小豬媽平日接送，所以都真係有好有唔好。
今日IN嘅小朋友都唔算多，我地一入到學校就好快咁安排我地去一個課室玩玩具。由於只可以有一名家長陪，所以我就同小小豬入課室玩，大肥豬就係等候區等我地。
不過....原來入課室玩玩具只係等待去另一個課室見面試老師，在場的老師都沒有觀察我地玩嘅情況。雖然係咁，小小豬都玩得好好，除左玩得開心之外，仲自言自語咁識得講出啲玩具嘅顏色，所以都算係咁啦！如果依一PART都計分你話幾好呢....唉！
大約玩了五分鐘左右，就輪到去見老師。
上幾次面試都係從遊戲中面試，不過今次真係係唔同，要小朋友同老師面對面坐定定咁答問題，同場都有K1-K3嘅小朋友見，佢地都係用同一個方式，其實我都真係唔係咁鐘意，實在係太嚴肅啦！
唔知係唔係小小豬都唔係咁鐘意個環境，今次小小豬個面試表現真係唔係咁好。初時都好肯坐好玩老師俾嘅部車仔，不過當老師拎返部車仔問問題時，小小豬就開始失控，唔肯坐定定又要我抱住。雖然係答到老師嘅問題，不過都帶有扭計咁答。
全個過程三分鐘左右，老師問左三個問題，之後就叫我地去校長室見校長。
等左十分鐘去左右就見都一位主任，佢都冇問過我地任何問題，只係講話個結果一個星期左右就知道，同埋送份小禮物俾小小豬~
就係咁面試就完結了，講真我都覺得機會不大，因為小小豬嘅表現真係唔係咁理想。不過小小豬唔舒服，可以完成到個面試都算好啦！
算啦...平常心啦...最重要都係小小豬身體啲！
沒有留言:
發佈留言