回顧篇：交訂金

5 FEBRUARY 2010 (FRI)

由於我係一個有嚴重驚恐嘅人，對好多事都會缺乏信心，所以當知道有左小小豬之後，我同大肥豬都已經決定全程由我睇開依位醫生幫我跟進，同時亦都會去私家醫院生啦！

係上次做完產檢嘅時間，姑娘提我要係新年前去醫院交訂金。既然我地都決定好，唔再考慮咁多，所以今日就叫左小豬媽陪我去醫院交錢啦~

其實我都知道去私家醫院生會洗多好好好多錢，不過對我嚟講生BB係一個好重要嘅事，真係要對個醫生同醫院有好大信心先放心將我同小小豬交俾佢地嘛！

為左小小豬可以係一個好嘅環境出世，所以平日要我地慳慳地，我都係覺得值得呀！