第一次講座

19 MARCH 2010 (FRI)

今日係我同大肥豬拍拖十一周年紀念，不過我地冇去食餐好慶祝，反而做左另一個活動，就係去聽BB講座。(哈哈...咁慶祝都算幾特別呀！)

早排睇BABY KINGDOM時，無意中俾我CLICK左一個網站，見有一個叫『準父母湊B全攻略』免費講座，師奶仔嘅我當然貪得意都走去報名，去聽多啲BB講座對日後都有幫助嘛！

起初都擔心免費冇好嘢，怕好多時間係介紹佢地公司嘅產品。不過係講座進行兩個鐘入面，都只係講解好多湊BB嘅注意事項，冇乜點SELL嘢。我好留心聽姑娘講解，所以都學左少少嘢，不過學左第日識唔識用番，就另一回事啦....哈哈！

原來聽講座都有禮物收，依啲就係今日收到嘅小禮物啦~

聽講座又有嘢學，又有禮物仔收，等我多啲留意仲有冇同類講座，參加吓都真係唔錯呀！哈哈~