花展2010

25 MARCH 2010 (THU)

今年花展原本都以為冇得去影相，因為大肥豬話星期六日去會好多人驚會有危險，所以唔同我去。

哈哈...不過我終於都有得去啦！今日大肥豬要OT，所以就約左糖糖放工之後入去行個圈影吓相。

我地入到場都係五點多啲，所以天色都仲算幾好，加上依個時間又唔多人，所以都行得好舒服~

一入到場就當然即刻不停影...影...影....啦~

唔知係唔係已經展覽左好幾日，加上前一日落過雨，所以好多花花都已經謝謝地。同埋總係覺得個花展佈置同上年好似係差唔多，冇乜特別大驚喜。

話雖如此，但我地都影左好多相，影到天到黑晒先走呀！