回顧篇：等了又等

3 FEBRUARY 2010 (WED)

雖然小小豬頸皮度數係PASS左一半嘅OSCAR TEST，不過都要睇埋我個驗血報告先知係唔係真正完全PASS。

醫生話個三日後就出到我個驗血報告，如果不幸地有問題就會即時打電話俾我叫我上去覆診。當時我仲好攪笑咁同醫生講叫佢唔好打俾我，我一定會冇事添。

雖然口就係咁講，不過始終都係好緊張。由抽完血嗰刻開始都係心掛掛咁，好驚會收到醫生個電話。

終於到等到三日後，原本都打算只係等電話，不過始終都係忍唔到個緊張心情，最後大肥豬見我咁緊張就建議幫我打去診所問個結果。

姑娘話個報告剛剛到手，話我個驗血報告有啲問題。原來當日我抽血係用嚟做兩個TEST，其中一個係正常冇問題，不過有關OSCAR嗰個就冇做到，原因就係當日我地去化驗所時俾少左一份文件，攪到化驗所唔知要幫我地做OSCAR TEST，需要等多三日先再出OSCAR 報告。

真係勁唔開心，不過都係怪我地唔小心，咁重要嘅文件都會俾少左份化驗所！

唉...又要等多幾日，又要繼續緊張呀！