元宵節拆利是

28 FEBRUARY 2010 (SUN)

今日係元宵節即係中國情人節，由於今晚要同奶奶食飯，所以都冇乜特別慶祝節目。

原本大肥豬都話搵地方同我去影相，不過都係我懶惰好想訓，成個下午都係屋企HEA(真係浪費左一個難得嘅好天氣添)。

雖然悶左成個下午(我指係大肥豬)，不過食完晚飯番屋企先係開始我地嘅慶祝元宵節活動呀！

元宵節當然要煮食吓湯圓，代表團團圓圓、甜甜蜜蜜嘛~

食完湯圓就到重頭節目.....拆利是啦！

雖然已為已婚人仕，收的都唔算多，不過有利是拆都真係一件勁開心嘅事，仲有可以幫補吓今年所派嘅，都幾好呀~

雖然小小豬仲未可能同大家見面，但竟然都收到幾封利是~

不過我係一個好媽媽嚟，會將啲利是錢留起，用作個小小豬基金，留嚟俾小小豬用嘛....哈哈！