唔買又買

24 MARCH 2010 (WED)

之前都講過為左小小豬我要慳啲唔好亂買嘢，所以都有一段時間禁止自己去睇衫，怕係會忍唔到手會大SHOPPING。

忍左咁耐，終於都係今日破戒，唉..真失敗！

原本只係打算放工去商場買對襪仔，點知經過平時買開衫嘅鋪頭時，個心癮又嚟，所以就忍唔住入去行左個圈。

唔行由自何....一行嘅話就忍唔到手買左兩條裙仔啦~

 

依兩條裙仔除左個款靚之外(又係我鐘意嘅花花款..哈哈)，都算比較鬆身，可以等個肚仔再大啲嘅時候都著到。

唉....當依兩條係為左等個肚仔再大時買嚟著，計落都有可以接受啦(又有人係度自己安撫自己)！