今日我地又入左迪迪尼玩啦！不過今次好唔同，就係唔係我地兩個人入去，有奶奶、老爺、姑奶、大伯.....仲有啲小朋友，我地一行九個人玩，都真係幾熱鬧呀！
老爺奶奶都係第一次搭迪迪尼地鐵，所以都要影番張相留念先。
一入到到迪迪尼，大家都好興奮，因為佢地個個都係第一次入去，所以每一個地方都影相。我今日個工作都係主要幫老爺奶奶影相，所以我都影得唔係咁多相呀！唔緊要啦.....最緊要佢地影得開心嘛！
今日同行有小朋友，所以我地都係去玩遊戲多。好在唔多人排隊，所以都好快咁玩左好幾個遊戲。
玩左一陣遊戲，終於到我最開心嘅時間.....就係同公仔影相啦！不過因為我地人多，要個個都影就俾職員話，所以我都係同大肥豬影左一張合照之後，就留番啲時間俾奶奶佢地影呀~
然後去左玩POOH POOH
係行去小小世界途中，我終於都見到啲朋友仔成日講嘅隱藏米奇，又真係幾得意呀！
之後，我地再行去小小世界睇公仔
玩完個時間都差唔多，我地就去城堡前等睇煙花。哈哈~~上嗰幾次都冇睇到，真係好震撼、好好睇呀！
睇埋煙花我地就走啦！今日大家都好似玩得好開心，尤其係老爺，因為開頭我地都驚佢會行得辛苦唔鐘意，好在到走時老爺不停咁讚，我先安心啲呀~
沒有留言:
發佈留言