新成員加入

因為阿臣嘅離去，所以大肥豬就建議買番隻蟹仔番嚟陪阿癲。都係...冇理由俾阿癲一個住晒依個十八吋豪華洋缸。哈哈~~

今日放工就約左大肥豬去金魚街買蟹仔啦！

依三隻就係新成員，等我觀察吓先幫佢地改番個好名啦！

除左買蟹仔之外，大肥豬仲買左一支木樹，係俾蟹仔佢地爬上去玩呀~

我地買完之後，就簡簡單單食我地個晚餐，之後就急急咁返屋企，因為要處理啲蟹仔嘛。

返到屋企我就即刻幫蟹仔們洗白白，大肥豬就幫我換沙。整左一陣...蟹仔們新居已經佈置好啦！(依個佈置係大肥豬設計)

依家幾隻新蟹仔都收埋左自己，可能仲未識應，只係得阿癲爬嚟爬去。希望新蟹仔可以好快熟習依個五星級的家啦...哈哈~~

 

同場加映：

話說阿癲脫皮之後一直都收埋自己，都真係有少少擔心。好在，前日終於都活躍番，仲爬左上去新椰子樹度呀~