鴨仔之家

係上星期六我地同小豬媽去行玩具街嘅時候，當我同小豬媽好用心咁揀隻又白又靚嘅兔仔燈籠嘅時候，大肥豬完全冇理我地，俾另一樣野吸引住。

就當我地揀好兔仔嘅同時，大肥豬就係吸引住東西入面揀好左一袋，要買返屋企呀~~

究竟大肥豬買左啲乜返屋企？燈..燈...燈.....燈，就係......一大袋鴨仔呀！

一袋十隻嘅小鴨仔

哈哈哈~~~真係俾大肥豬激親。完全估佢唔到會買，佢話買多啲鴨仔陪我，等我可以洗白白時開心啲哦！

當我整好浸泡泡時，大肥豬已經急不及待幫我放晒鴨仔落去，計埋之前嗰四隻，依家加加埋埋都有成十幾隻，放晒佢地落浴缸，真係唔知佢地浸定我浸泡泡啦！

不過見到咁攪笑場面，又真係將好多唔開心嘢都放埋一邊，好好ENJOY與鴨共浴。

(原本都唔打算出依個POST，不過以上圖片全由大肥豬提供，佢好少會拎住啲嘢係度影，見佢一番心意，就寫啦~)