始終都忍唔到手

今日放工有時間就去行吓街街，等埋大肥豬一齊上奶奶度食飯。

因為有朋友仔就快生日，所以就趁有時間去睇吓有乜心水禮物買啦，點知.....未買俾人自己就先出血。

今日嘅戰利品....又嚟ANNA SUI香水啦！

哈哈哈...其實依支香水都出左好耐，不過一直都忍手唔買住。因為我啲香水都真係多都幾嚇人，ANNA SUI一出我就會買，買買埋埋都有好多支未噴晒，成日都俾大肥豬話我，所以我係打算噴完一支先再買依支。真係想叫ANNA SUI唔好出咁密，等我用咁啲先啦~~

但係今日俾我見到佢平左少少，諗左好耐......終於都係忍唔到手買左。(成日都話要慳，又嚟依D敗家行為...哈哈~)

不過..今次大肥豬見到我依個敗家行為，竟然冇話我。可能知我唔開心，等我買嘢平復吓心情啦！哈哈~~

依家真係要快啲買個飾櫃，等我將所有至愛SHOW晒出嚟，唔洗返晒入櫃桶度嘛！