愛心雪耳木瓜糖水

今日雖然出左街食晚餐，冇入廚房煮飯仔。

不過...我都冇懶惰，因為食完飯返到屋企我又開始整我地個甜品啦！

依個甜品我都係第一次煮，所以一過都好擔心會唔成功俾大肥豬笑。好在.....我都幾叻女，冇失禮。

是日甜品......雪耳木瓜糖水

係唔係都幾好樣呢？個味道都好得添，啲雪耳又幾爽口。哈哈哈~~成功左啦！

大肥豬都話好食，一邊食一邊讚我，仲話比起出面嗰啲真係分量多好多。(真係聽到有少少飄飄吓)

當然啦...我落足材料，放左好多雪耳，咁先夠潤。依家嘅天氣，真係要潤吓先得嘛！

我仲整多左少少，雪凍留返明天凍食，一定仲好味！