唔知係唔係短髮關係,我啲頭髮一長少少,加上我又厚底,所以好快就又會變成一個波咁,一舊嘢咁係個頭度,好醜怪呀!
原本都打算留番張頭髮,不過真係頂唔順自己個波波頭,所以今日又去左去剪頭髮啦。
今日都係打算剪番薄頭髮修短少少,點知修修吓....真係剪短左好多,真係從未如此短髮過呀!不過好在大肥豬都話好睇。
之前長頭髮嘅時候,一年都去唔到一次剪頭髮。依家短髮就要幾個月去剪一次KEEP番個型。唉...真係補番晒數,不過為左靚靚都冇法啦!
哈哈哈......大肥豬尋日都剪左頭髮,依個就係佢個新LOOK啦!
我地兩個都換左新LOOK,又係時候去影靚相啦!哈哈哈~~~
沒有留言:
發佈留言