預祝母親節...有禮物收

為左慶祝母親節，我之前已經送左一SET護膚品俾小豬媽。不過今日再同小豬媽預祝，去左酒樓食一餐晚飯。

除左我地一家之外，仲有嫲嫲、叔叔、姑姐，一共有成十五人，一齊食飯慶祝母親節，真係熱鬧啦！

我地去左一間食川菜嘅酒樓，可能我唔係太鐘意食川菜，所以我就覺得麻麻地，不過佢地D小籠包就真係好好味(可能係我鐘意食啦~~哈哈！)。

我覺得食野都係其次，最緊要就係一家人開開心心嘛！

今日目的係慶祝母親節，點知...我竟然有禮物收。

哈哈..就係依條靚靚連身裙啦！

依條裙係小豬媽送俾我，係唔係好靚呢！哈哈...除左條裙之外，仲有配埋一條黑色長貼身褲，幫我襯埋一SET呀！

事緣今日小豬媽行街街去買衫時，見到依條裙，就即刻想買俾我，因為佢知道我鐘意著依D有圖案嘅雪紡連身裙。

小豬媽真係知我心意，好鐘意呀！好野....下星期去飲有靚靚裙仔著啦！

不過我知道依條裙仔都貴貴地，所以都真係...唔知點講好啦！真係又開心又感動.....