唔知有冇機會呢

係星期日當睇緊獎門人嘅時候，大肥豬無端端就問點先可以入去做現場觀眾，又話如果可以睇現場一定好好笑咁。

嗰時我都完全冇理到佢，繼續邊睇電視邊上網。

係尋晚路過書報攤見到出左TVB周刊，就即刻諗起TVB周刊好似有索取表格可以寄信去拎入場卷，所以就即刻買本打算寄信去拎入場卷啦！(哈哈…真係好老婆呀！我已經戒左買雜誌好耐)

返屋企就即刻搵個表格出嚟填，之後入信封準備今日去寄啦！

好緊張..之前都未試過寄信去電視台，唔知係唔係真係有的拎飛呢？不過..聽人講係需要抽先得，唔知我可唔可以抽到呢？

希望可以抽到啦，可以陪大肥豬入去現場睇。

雖然我就麻麻地，不過如果係真係抽到，我諗大肥豬一定好開心。