今日一早就起身,因為陪老爺奶奶去參加屋村舉辦嘅香港一天團。
今次個目的地係去林村同珀麗灣,雖然依兩個地方都已經好過,不過當陪佢地去玩吓,去多次啦!
首先第一站就係去林村,去睇吓新許願樹。可能我地太早去,真係成個林村都好靜,冇乜特別野睇。我地都只係新許願樹影吓相,之後陪奶奶去天后廟拜下就走啦!
下一個目的地就係珀麗灣。今次我次係搭船入去,比上次都有番少少新鮮感啦!
我地一落船就開始影...影....影....
因為老爺行得比較倦,所以都冇入到馬灣公園,只係碼頭附近行吓。我地又係跟團關係,冇得早走,所以我地搵左個靚位俾佢地休息之後,就去左附近玩啦...
首先係玩自拍
玩影子(不過原來真係好難影得靚呀!)
最後我地兩個就傻左....又玩跳躍又玩食橋,真係傻傻地咁!不過傻得又幾攪笑呀~~哈哈!
完成埋依個行程,話咁快就回程啦!之後就同老爺奶奶去左酒樓食飯。
雖然今日嘅行程都好似平平淡淡,都好開心呀!不過..最開心嗰個當然係大肥豬啦...哈哈哈~~
不過全日唯一美中不足就係部相機有問題,唔知點解SET個日子會變左做四號,唉....
返到屋企睇番個BLOG先記得原來今日係我地結婚五個月,哈哈...真係唔記得左添。不過...用今日依個節目慶祝都幾好!
沒有留言:
發佈留言