唔做好人啦

今日放工去左商場行左一陣先去奶奶屋企食飯。

當我係商場搭緊扶手電梯時，我前面有一位樣貌都算純品嘅女學生，背後睇見佢條校服裙俾個書包整起左，攪到走光呀！

係依個情況下，我就即刻行前好細聲同佢講，叫佢整吓啦！話哂都係女仔，唔好蝕底嘛！

點知..個女仔唔該都冇句，先嚟『吱』左我一下，再嚟『鄧』大隻眼望住我(當然唔友善嘅眼神啦！)。嗰吓都真係勁嬲！

嘩...乜事呀...依家D女學生係乜態度呀？見你蝕底話你知，洗唔洗用D咁嘅態度...真係...有冇病呀？

我以後都唔再多事...唔做好人啦！做好人仲要俾人話，好唔抵呀！