表妹的手信

今日同放工又約左小豬媽飲下午茶，當我一見到小豬媽時，就收到兩份禮物。

依兩份禮物就係我個嘉汶表妹(即我個伴娘仔~)上星期去日本旅行時，買俾我嘅手信。

哈哈...真係好開心，估唔到表妹仔去旅行到有掛住我。

返到屋企第一時間睇吓我嘅禮物，首先就一個好靚靚嘅玉桂狗小食包，個袋真係好靚呀！

之後就仲有一盒日本空運到港嘅士多啤梨，頭先偷食左一粒，真係好甜呀！

係度真係要同嘉汶表妹講句：好鐘意，多謝晒你呀！