新朋友仔飯局

今日又約左幾位BLOG友仔食飯，除左有小M同小賢之外，今次仲多左三位新朋友仔，包括有小欣子、KATHERINE同CONNIE。

講真，係未見佢地之前都真係又興奮又緊張，興奮係....可以識多幾位新朋友仔，不過就係因為一次過識三位新朋友，所以都真係幾緊張，成日諗唔知佢地係點呢？

不過我嘅緊張都真係多左，因為....三位新朋友仔都好NICE、好友善，仲好好傾，一D都唔知係第一次見咁。(哈哈~~返到屋先記得冇自我介紹呀！)

我地今地去左CONNIE介紹嘅四川嘢食『天與地』，雖然佢地D餸係辣辣地(我本身都唔係食得太辣)，不過我都覺得佢地D野都辣得嚟有道理，都真係幾好味！

我地由七點半左右到達目的地開始就傾..傾..傾，真係乜都傾得一餐，所以成晚都細聲講大聲笑，都真係好開心呀！

唔覺唔覺...我地都傾到十一點幾先走。係準備離開時，當然又係影相留念時間啦！哈哈..我地影相都玩左成差唔多半個鍾呀！

首先嚟張大合照先..

小肥豬與CONNIE

小肥豬與KATHERINE

小肥豬與小欣子