係唔係真呀

早幾日收到ESD SEND嘅E-MAIL，話有O2OPTIX 氧氣Con 免費試戴一個月。作為一個師奶仔嘅我，見只係填一個E-MAIL ADDRESS，當然唔執輸填左去參加啦！

今日收到佢地個電話，話我抽中左，遲D會再SEND封確認信俾我，通知我去邊間眼鏡店拎份禮物。

嘩...抽中左哦，當然好開心咁第一時間打電話同大肥豬講啦！

點知..大肥豬話依D可能係宣傳方式，到我真係去眼鏡店時，就會SELL我買嘢或者再錢換，到時變左就唔係免費試戴。

聽完之後，真係有少少擔心會俾大肥豬講中。

不過我又會諗ESD都應該信得過呀！依家真係心大心細...唔知到時拎到信去唔去好呀！

唉...唔理啦，到時先算啦，再唔係..到時去拎禮物時，有乜唔對路就走人，最緊要唔好蝕底俾佢地！

有冇朋友仔試過依個情況呀？唔知佢地係唔係真呢？