【試用分享】Ankel Marni - MESO Therapy 5天白滑針

27 FEBRUARY 2017(MON)

雖然我係全職傻媽，但都係好想成日以靚靚示人嘛，有機會扮靚有邊個唔想？

謝謝Supermami為我安排，今次可以試用到Ankel Marni嘅皇牌產品 - MESO Therapy 5天白滑針(非注射式)~

 

坦白講，我第一眼就俾佢嘅外貌吸引住，成支針咁哦~ 

 

雖然佢個名就叫做白滑針，咁當然就唔係一支針，佢其實係塗面嘅精華嚟呀~ 

 

來自瑞士嘅Ankel Marni，由1950年已經開始推出護膚，真係相當歷史悠久。經多年臨床經驗證實Ankel Marni一系列產品有助促進細胞更新及強化組織，令肌膚有效抵抗天然傷害，延緩肌膚衰老~

 
而且品亦已通過最嚴密測試，並達到了絕對安全嘅要求同標準，證明其有效性和安全性，確保顧客享有最佳的護膚產品。 

除左以針管設計好吸引之外，我都好鐘意個針管按壓位置嘅安全鎖，需要扭開先可以用到，咁就唔怕唔小心咁泵多精華而導至浪費啦~  
5天白滑針以MOIST 24™ 專利成份Pentavitin® 海茴香幹細胞及薔薇果萃取而成，可以有效增強皮膚彈性外，仲可以將皮膚回復年輕。 

質地為半透乳白色Cream狀，非常容易推開。而且佢可以話係冇味，真係啱晒我依啲鼻敏感人仕呀~

 

早晚潔膚及爽膚後，於白滑針泵出三下就足夠塗係面上，然後輕輕按摩直至完全吸收~

 
話明係5天白滑針，我當然係好聽話咁用5日睇下個效果如何。係美白效果方面，暫時又未可以睇到好明顯嘅分別(如果咁快睇到反而我仲驚啦...哈哈哈)。 

不過佢補濕效果又真係令我有點驚喜，用左第一日之後就開始覺得皮膚好水潤，剛好依幾日天氣又凍又熱，皮膚仍然好似充滿水份。 

一般精華都係唔可以維持好耐， 大多數用完之後到中午皮膚就會開始帶點點乾，不過依個我係早上用左之後，基本上到晚上都可以持續好潤，又唔會黏笠笠，感覺都好舒服，同我又幾夾哦...呵呵呵！



More Information :
Website：http://www.ankelmarni.com 
Facebook：https://www.facebook.com/AnkelMarniHK/?fref=ts 

**我地的FACEBOOK PAGE，齊齊來交流親子。育兒。烹飪啦**