【我係小廚師】烘焙教室整CUPCAKE

25 FEBRUARY 2017(SUN)

之前我都間中同小小豬嚟整下親子廚房，不過蛋糕就比較少，因為我成功幾會唔多，加上整完又一大堆善後工作，所以整整下就冇乜整蛋糕了。今日應邀請嚟J-Plus學整甜心蛋糕，我又可以嚟偷師啦~

 

其實油糖J-Plus我都成日都嚟，不過次次嚟都係玩嗰個歷奇遊戲或者波波池，整CUPCAKE又真係好似未試過(應該係話冇留心睇依度有間房)，原來依度個烘焙教室都好大，而且設備都好齊全呀~

我嚟學整嘅甜心蛋糕之外，原來仲有好多唔同類型嘅蛋糕及曲奇，我覺得個價錢都幾合理呀~

   

開始之前當然要洗乾淨雙手先啦~

   

材料都一早為我地準備好呀~

   

小小豬著住圍裙都幾有型哦...哈哈哈~

   

未開始正式上堂，負責姐姐就先教小小豬用打蛋器。其實小小豬之前都係屋企用過，所以基本上佢都識得操作，只不過今次所用嘅就明顯係大部啲同重啲，所以要姐姐幫手扶住~

   

第一個步驟就先用打蛋器將牛油打成一團~

   

然後就將砂糖加入牛油~

   

拌勻之後就可以加入篩過嘅麵粉同牛奶，依個就係導師教嘅第一個技巧。最好就係將依兩個食材分三次加入，每次都要用打蛋器拌勻，咁做出嚟嘅蛋糕就會鬆軟啲，同埋外型都會靚仔啲呀~

   

混好晒嘅麵團就可以慢慢地加入各小杯，導師話一定唔可以心急要慢慢倒，同埋只可以放七成滿，如果唔係就一定焗得唔熟透呀~

   

之後就"鄧"下個焗盤，"鄧"就走啲空氣，咁焗出嚟就會好靚啦~

   

完成依個步驟，導師就幫我地拎入焗爐焗大約20分鐘~

   

何奇心急嘅小小豬等到夠鐘之後，急不及待要見下啲靚靚蛋糕啦~

   

之後就利用導師一早為我地準備左嘅Cream，係蛋糕上面唧出花花圖案~

   

最後就加啲粒粒珠仔同埋靚靚心心牌(依兩樣都係可以食呀)~

   

小小豬嘅甜心蛋糕大功告成，其實都幾靚呀~

 

今日話就話係小小豬嚟學整蛋糕，但其實係我一直偷師，我仲不停捉住導師請教做蛋糕擬問，所以終於知道點解我次次整蛋糕都唔靚啦！ 

唉...都怪自己平日心急又貪快，聽左導師兩個必成功技巧，等我下次再試過先。
不過，都係嚟學整好啲，因為整完就只係拎完成品走就得，唔洗做一大堆善後工作，好似方便啲哦....哈哈哈！


More Information :
Website：www.jumpingym.com/bakery
Facebook：https://www.facebook.com/JumpinGymBakery/

**我地的FACEBOOK PAGE，齊齊來交流親子。育兒。烹飪啦**