【試用分享】Princess 3D高壓噴射式蒸汽燙斗

13 FEBRUARY 2017(MON)

早前收到一份一直好想買但又未去行動嘅產品試用，真係啱晒我心水，依個咪就係高壓噴射式蒸汽燙斗~

 

今次試用我又要爆我自己一個秘密出嚟，就係.....其實我一直都係燙衫黑星，好多時都係會燙爛件衫，一係就越燙越皺，所以燙衫依個工作就交左俾老公。雖然老公願意，但就要佢有時間先可以幫忙，有時趕起上嚟都真係唔係幾合時候，所以都係要自己做好！

有一次去我朋友時裝店吹水時，見佢用左一部高壓噴射式蒸汽燙斗燙衫，見佢三兩下手腳就完成，而且感覺又真係唔錯，所以就令我心思思想買返部，咁就可以自己燙啦！

原本都打算跟朋友去淘寶買，但一諗地內地嘅出品，我嘅驚恐症又發作，所以一直都未有行動。正當我打算係香港買嘅時候，就收到依部Princess 3D高壓噴射式蒸汽燙斗試用邀請，我仲唔即刻勁興奮~

 
原來依一部Princess 3D高壓噴射式蒸汽燙斗佢嘅用途都好廣，除左係一個直立式燙斗之外，仲可以協助清潔家居(包括洗手間及廚房)，因為佢地係通過英國抗敏協會測試，證實能有效殺死96.3%塵蟎及99.4%細菌。

初時都好擔心好難砌，不過老公唔洗五分鐘就幫我砌好啦~

 

佢嘅儲水箱都算大，可以放入大約2公升嘅水用作蒸汽，佢嘅加水好容易，而且佢唔係固定，加水倒水或時就可以除下來，都好方便呢~

儲水箱仲設有預計可用時間，咁就更加可以預到時間啦~ 

 

掛上預設左一個衣服掛位，只要將衣架掛好，就可以直接燙啦~

 
其實操作都真係非常簡單，只要插上電緣，然後按下機身右邊的掣，以選擇蒸汽量，就可以開始。

平日我地嘅普通衫，選擇I就已經可以啦~

  

其實插上電緣一分鐘左右，就已經可以使用，噴出來嘅蒸氣都幾平均，而且唔會有任何滴水情況，依一點我就最鐘意，因為滴住水又點可以燙衫呢...哈哈~

 

加埋個直毛刷就可以燙衫啦~

 

有需要時就加以加埋依個摺痕壓燙器，咁想燙直啲就係咁簡單啦~

 

哈哈哈...我搵左老公一件最皺嘅衫嚟做實驗~

 

我用左大約五分鐘左右就可燙好左啦~

 

除左燙衫之外，我都好鐘意用嚟蒸小小豬平日嘅毛公仔，我就會將蒸汽量選擇II~

 

除左公仔之外，仲可以用嚟燙厚褸/沙發/窗簾...依啲厚身嘅布料，蒸氣熱力加強啲，咁就可以更加高效殺菌啦~

 

另一個我欣賞嘅位就係佢嗰個自動電線捲縮，用完之後，除去電緣就可以一按好方便收埋啲電線，好方便呢~

 
我自己就覺得唔錯，不過老公就比我更加欣賞，因為依家我自己煲返啲衫，咁佢就可以再多啲啲啲時間陪小小豬玩，又再做一個廿四孝DADDY...哈哈哈！ 

**我地的FACEBOOK PAGE，齊齊來交流親子。育兒。烹飪啦**