作為師奶仔最開心都係收到合用嘅試用產品，多謝CLASSES安排我參加今次Serafino Zani IHC恆溫系列試用活動，我收到一隻34cm嘅雙耳炒鍋~
自從上年新年老公煎蘿蔔糕煎壞左我隻小鑊嘅時候，一直都好想買返個新鑊，不過一隻好用嘅鑊都真係唔係咁易搵到，好多時係百貨公司睇示範見到好似幾好，但返到屋企都唔會好似佢地煎得咁好，所以買有一隻真真正正唔黐底、又可以用鑊鏟、又可以煎炒煮炸樣樣得嘅，都真係幾難！
雖然我依家用緊嗰一隻鑊都叫做OK，不過一叫到我煎嘢嘅時候都真係........依個亦都係我一向好少煎嘢嘅原因...哈哈哈！
今次經CLASSES介紹我認識Serafino Zani IHC恆溫系列，一聽到佢嘅賣點就已經覺得好吸引，既少油煙、又唔易燶、唔易黐底，仲要係不銹鋼恆溫，真係好似好啱我哦~
收到依個雙耳炒鍋，當然要即刻試一試佢先，不過係未正式用之前，都一定要做好事前準備功夫，如果唔係就會浪費左一個咁靚嘅工具。所以我都有睇短片介紹(請按此)，跟足指示嚟為雙耳炒鍋洗開光洗乾淨。
做好晒一切事前工作，就可以開始入廚，第一個餸用嚟整乜好，就不如試下煎魚，所以就煮一個小小豬好鐘意嘅蕃茄煎三文魚啦！
材料都只係需要三文魚扒一片、蕃茄兩個、蕃茄醬一湯匙、蒜頭兩瓣及少少糖~
先將三文魚扒洗乾淨，之後用少少鹽醃大約15分鐘~
蕃茄切塊；蒜頭去衣後拍鬆~
煮食前先將炒鍋調整火候至(小火/中火)預熱最少要有3分鐘，(配合電磁爐使用，恒溫煮食效果更顯著)，然後就可以下油~
之後就可以放入三文魚扒煎~
其實煎嘅時候我見到又真係好似冇乜煙，嗰一刻仲以為自己冇開火，咁當然我一直都係KEEP住用中火嚟慢慢煎，而且佢又真係好似唔會點燶。其實我都煎左有一段時間，都唔見有燶燶黑色物體出現哦~
說時遲那時快，三文魚扒煎好就可以放上碟~
由於炒鍋都冇乜黐底，所以我就繼續用(哈哈....又慳返一個洗嘅工序)，加入少少油然後爆香蒜頭，再加入蕃茄~
然後加入一湯匙蕃茄醬及半飯碗水~
慢慢邊炒邊煮，待蕃茄汁煮至杰身(杰身程度就視乎個人口味)，然後加入少少糖及鹽調味~
煮好之後就可以倒入已煎好嘅三文魚扒上，話咁快就食得啦~
依個餸就絕對啱小小豬口味，因為有佢最愛嘅蕃茄同三文魚，個汁又啱晒餸飯，佢又點會唔快快口食晒呀！
其實依個雙耳炒鍋都真係幾好，最鐘意佢真係唔係點黐底(你知啦...一黐底就真係有排洗，分分鐘又報銷嘛)，而且佢都好易洗，只要用清用浸一陣，唔洗點用力就可以將佢洗返乾淨，真係啱晒我呀！
我就有少少覺得重左啲啲，有時拎起嚟倒餸上碟都有少少攰。不過老公話依啲叫真材實料，叫我搵佢幫手上碟就得哦....哈哈哈！
More Information :
Website：http://www.serafinozani.com.hk
Facebook： https://www.facebook.com/SerafinoZaniHK/
訂購網址： https://goo.gl/tHzCXO
**有興趣訂購朋友仔用依個專屬優惠碼(1oempd)，可享額外折扣優惠
**我地的FACEBOOK PAGE，齊齊來交流親子。育兒。烹飪啦**
沒有留言:
發佈留言