小小豬就最鐘意食自助餐(哈哈哈...有得自己出去拎嘢食，應該係話每個小朋友都鐘意)，所以當佢知道可以嚟如心南灣海景酒店食豐富自助餐時，佢都不知幾開心，仲不停計劃要食幾多幾多添~
其實由知道可以嚟食自助餐時，小小豬都已經好興奮，佢一嚟到餐廳就急不及待搵位置準備開餐啦~
食自助餐除左食物之外，環境都係好重要，由於我地約埋大仁一家齊齊嚟進餐，所以我地安排係包廂內進餐，真係啱晒我地玩樂不停嘅兩家人，唔怕大笑嘈住其他食客嘛！
見到咁多嘢食，唔好話小小豬，我地個個都好心急哦~
今次主題係蟹，真係可以話周圍都係蟹，先嚟頭盤就已經見到大大隻蟹腳，啖啖肉真係唔錯呀~
嚟到熱盤，當然都係蟹嘅天下，薑蔥三點蟹、鮮茄茸地中海紅羔蟹、九層塔泰式香辣肉蟹同埋蟹肉伊麵~
花雕蟹肉蛋白，估唔到三樣加埋個味又係咁夾，我自己都食左好幾碟呀~
依個炸蟹鉗絕對可以全場焦點，單看可愛蟹蟹麵包已經係吸睛之作，平日飲宴我都唔會食蟹鉗，不過今次我就食左大大話話有五粒，因為啖啖都係蟹肉，冇左嗰一份重重嘅麵粉口感，又點會唔狂食呢~
另一個焗釀蟹蓋都係我喜愛之選，我又好貪吃地食左四個，趁熱食真係好好味呀~
蟹粥就得到老公嘅喜愛，佢話好鮮甜哦~
真係不得不讚賞廚師嘅細心，就係一個簡單嘅小食，都可以利用青瓜做一個蟹圖形，真係唔錯呀~
當然除左蟹類食物之外，都有好多唔同嘅熱食、蘑菇蛋批、焗腸仔酥、鐡板燒、壽司刺身....等等，都好啱好似小小豬依啲唔可以食蟹嘅朋友仔一齊進餐呀~
估唔到係西餐廳都可以搵到野葛菜生魚湯，真係俾我地一個小驚喜呀~
咖啡、熱茶同埋熱奶都係以自助形式供應呀~
除左主菜，甜品亦都係我喜愛一環，每款凍餅都放係櫃內，需要時就由職員協助取出，種類都好多，我個人就欣賞綠茶慕絲蛋糕、士多啤梨布甸、芒果布甸同埋士多啤梨撻~
除左西式甜品之外，都有脆麻花及麵包布甸添~
不過小小豬就最鐘意蟹仔印花曲奇同埋有蟹仔裝飾嘅雜果撻及泡芙啦~
哈哈哈....我都話小小豬鐘意食自助餐，佢除左夾自己鐘意食物之外，仲幫我夾埋添。不過我地又唔係成日嚟食自助餐，就等佢滿足一下啦~
最後緊係唔會漏左小小豬至愛嘅雪糕啦~
食飽飽兩個小朋友又嚟玩，原來場內有個飛標機，$5就可以玩一局，所以小小豬就跟住SY哥哥齊齊去玩啦~
依個自助餐我都真係幾滿意，平日我食蟹都只會係薑蔥炒，真係估唔到蟹都有咁多煮法，真係有點開眼界。而且味道又真心覺得唔錯，絕對值得向大家推介呀！
More Information：
星期一至五: 成人港幣$369 小童及長者港幣$218
星期六至日及公眾假期: 成人港幣$389 小童及長者港幣$238
Website：http://www.lhotelgroup.com/en/hotel/lhotel-island-south/Home
Facebook：https://www.facebook.com/lhotelislandsouth/
**我地的FACEBOOK PAGE，齊齊來交流親子。育兒。烹飪啦**
沒有留言:
發佈留言