【生日澳門之旅】食得招積兼滿足

27 AUGUST 2016(SAT)

雖然係好唔捨得，不過始終都係要離開天浪淘園。我地回房間沖身，之後就執好晒行李，準備CHECK OUT了。 

係DADDY處理緊CHECK OUT同寄存行李嘅時候，小小豬又見到兔斯基，當然又要影下先啦~

 

嚟得澳門就當然要入賭場觀摩一下，不過我哋始終都有小朋友同行都唔係咁方便齊齊入去，所以依個重任就交俾特派使者大仁伉儷負責啦~ 

 

我地喺等嘅時候都唔寂寞，因為商場內有一部免費自拍機，我地緊係要玩下啦~ 

 

拍出嚟個效果都唔錯，仲會直接send去電郵，如果唔係多人排隊我估依兩個小朋友五款都會影曬呀~ 

 

我都話佢哋係唔會悶㗎啦，因為用一個水樽拋拋接接，咁就夠好玩。所以話有同伴陪玩， 玩啲簡單即興玩樂，都係一件開心嘅事啦~ 

 

玩完之後，當然又係醫肚既時候啦，我地嚟咗萬豪中菜廳飲茶呀~ 

 

嘩……我地被安排入一個廳房，感覺真係勁正呀~

 

係未點菜嘅時候，枱面都已經擺咗好多精緻 冷盤小吃，嗰一碟淮山真係唔錯呀~ 

 

先呢一個雪梨燉豬展，甜得嚟又有好香雪梨味，大家飲完都覺得好滋潤~ 

 

仲有原粒鮑魚仔燒賣呀~

 

其他嘢點心都唔錯呀~ 

 

依個上湯浸芥蘭真係要強烈推介，一向芥蘭都會係比較硬身，但依個係好淋，真係失禮啲講句，我一個人食左大半碟呀~ 

 

菠蘿咕嚕肉都唔錯，唔太甜又脆卜卜呀~ 

 

依個瑤柱炒米粉就係服務員姐姐推介，估唔到又真係幾好食喎佢炒得嚟唔會好油同乾身，又真係冇介紹錯喎~ 

 

仲有一個超可愛嘅豬仔流沙包，單係睇個樣，都已經覺得好正呀~ 

 

今餐都幾啱小小豬口味，佢食到舐舐脷啦~ 

   

最後仲有楊枝金露同紅豆沙做甜品~

  

當然唔少得嚟一個大合照啦~

 
食到飽飽我地就出發去玩， 呢個地方我其實想你好耐，不過一直都冇機會，今次一於捉埋大仁一家齊齊去玩。想知我哋去咗邊度玩，咁就要留意下一篇分享啦！

嚟澳門又點可以唔去食葡國菜呢？由於方便我地拎返啲寄存行李，所以我哋就揀左澳門百老匯嘅福龍葡國餐廳，食我地嘅晚餐啦~

 

先呢熱辣辣嘅豬仔包~ 

 

再配鮮果紅酒，坦白講我係唔飲酒嘅，但都覺得依個酒都幾好飲喎~ 

 

當然小朋友唔飲得酒，就飲杯鮮榨橙汁啦~ 

 

厚切芝士包，依個係我哋一致公認為最吸引嘅，食嘅時候真係好似啲芝士拉絲，好正㗎~ 

 

葡式炒蜆，我依個炒蜆控一見就流口水啦~ 

 

蒜香白酒扒中蝦~ 

 

葡國焗鴨飯~ 

 

睇過外表以為普通嘅焗法，但原來入面係鋪滿的鴨絲一齊焗，個味道又幾得意喎~ 

 

葡汁焗馬介休~

 

當然唔少得葡國雞~

 

最後呢個清清哋嘅炒雜菜~

 

今餐真係好豐富，我地個個都食到脹卜卜咁離開，真係勁滿足呀~ 

 

開開心心係澳門玩咗兩日一夜，走嘅時候小小豬都好話好唔捨得呀~ 

 
不過，愛豬號DADDY已經答應咗，等小小豬再有長假時，一定會再佢嚟玩呀！

**我地的FACEBOOK PAGE，齊齊來交流親子。育兒。烹飪啦**