【放電好去處】小車迷歷險@黃金海岸商場

16 SEPTEMBER 2016(FRI)

剛剛開學其實都真係幾繁忙，我亦都開始感受到小學與幼稚園生活嘅大不同，我同小小豬都仍然係努力適應中，不過幸好小小豬都係一個愛上學嘅小朋友，所以我都唔會太擔心，希望一切就係冇壓力下順其自然啦！

中秋節有幾日假期，咁就當然要去玩，所以今日就約埋SY哥哥齊齊嚟We嘩!充氣嘉年華瘋狂大放電啦~

 

其實早幾日睇天氣報告都話因為打風所以會令天氣唔好，所以都會擔心好似上星期咁玩唔好。不過好在天公造美，今日天氣好到冇朋友，所以兩個小朋友就可以瘋狂玩樂一番了~

 

係嚟嘅車程上，小小豬已經不停講話要玩彈床。不過嚟到竟然一反常態，就係先玩依個「賽車造型流沙」，原來兩個小朋友都係好鐘意玩沙，來來回回都玩左好幾次。睇嚟要趁依個夏天尾巴，相約再去沙灘玩沙先得啦~ 

 

之後我地就去做啲文靜活動，就係去「We!嘩藝術廊」整個動物相架，其實係因為當時實在太曬了，我地要留係有風扇嘅地方休息下~ 

 

不過兩位都係愛玩嘅小朋友又點會甘願坐定定，休息過後佢地就開始發力，先嚟「糖果樂園」小試牛刀啦~

 

雖然唔算太刺激，不過係入面跳下彈床又瀡滑梯，都啱依兩個小朋友呀~ 

 

之後兩個小朋友就去玩下攤位遊戲先，玩下「投籃競賽」同「懸浮射擊」先，今次好在有SY哥哥相伴，有佢教小小豬玩遊戲，即刻叻仔晒，兩個遊戲都嬴到小禮物齊齊開心呀~ 

 

之後兩個小朋友就轉戰「小車手訓練營」，由於之前都玩過同依個遊戲，所以一入到去就已經急不及待咁爬爬瀡瀡又走走，玩得不亦樂乎~ 

    

接住唔好俾佢停，繼續放電跳埋「宇宙觀星船」啦~  

我地玩完晒一樓所有遊戲之後，熱身過後就開始去玩啲超刺激新遊戲，當然就係去玩依個十米高嘅大滑梯是「極速方程式」~

 
其實一見到咁大個充氣裝置，兩個小朋友都已經心急到一個頂點，緊係啦...有成2層樓咁高嘅瀡滑梯，咁刺激我都想入去玩呀！ 

係準備上去玩時，姐姐就俾護踭小朋友著上，咁就唔怕瀡落嚟時引致磨整損手仔啦~

 

依個心急豬一聽到話開始，就一支箭咁衝上去了~

 

其實個滑梯其實高得嚟都幾斜，瀡落嚟都真係有點速度。不過一向冇嘢驚嘅小小豬都不知幾ENJOY，玩完一次又繼續快快腳再爬去再瀡過，真係唔知點解佢可以如此大膽~ 

之後我地就去玩「賽車維修站」，依個可以就係我地排隊用得最長時間嘅一個遊戲，不過小小豬玩緊嘅時候我就明白點解要排咁耐。

因為負責姐姐真係好細心咁教小朋友玩，教佢地點樣可以將啲賽車零件利用磁力吊起，成功吊起又會大讚小朋友，係一個咁熱又多人嘅情況下都可以咁樂業，又 點可以唔俾個LIKE佢呀~ 

 

小朋友都真係精力無限，玩左大半日都仍然力量無窮，所以又入去「海洋遊樂園」內玩下捉迷藏啦~ 

最後就嚟玩「電動小賽艇」，由手搖小艇變成了電動船，只是控制軚盤就得，咁疏乎難怪小小豬玩得比之前嘅更興奮啦~

雖然今日都算幾多人，都用左唔少時間去排隊，不過小小豬都一樣玩得極度盡度，要再一次多謝We嘩!充氣嘉年華邀請，同埋SY哥哥相伴。


More information :
主題 : 小車迷歷險@黃金海岸商場
日期 : 2016年9月10-11日及9月15-18日
地址 : 黃金海岸商場 (香港黃金海岸青山公路1號)
時間 : 上午11時至下午7時
票價 : 套票$130 (任選$50遊戲共3個 + $10遊戲共1個)， 另設$10及$50遊戲券 

Website： www.wewaland.com
Facebook：https://www.facebook.com/WeWaLand

**我地的FACEBOOK PAGE，齊齊來交流親子。育兒。烹飪啦**